Söfnun til handa fjölskyldu van der Beek fer fram úr björtustu vonum
Söfnun til handa fjölskyldu leikarans James van der Beek hefur farið fram úr björtustu vonum en eins og stendur hefur safnast 1,1 milljónir dala á aðeins tólf klukkustundum.
Vísir Einn af fimm dómurum vildi milda refsingu móður sem banaði barni sínu
Átján ára fangelsisdómur yfir móður sem banaði einu barni sínu og reyndi að bana öðru stendur. Þetta er niðurstaða Hæstaréttar sem kvað upp dóm sinn í gær. Refsingin sem konan hlaut er þyngsti dómur yfir konu hér á landi í meira en öld. Konan banaði sex ára syni sínum og reyndi að bana ellefu ára syni sínum í Kópavogi. Verjandi konunnar krafðist ómerkingar dóms yfir henni þar sem henni hefði verið synjað um viðbótarmat um geðheilsu sína. Hæstiréttur hafnaði þessum rökum og sagði að spurningar í beiðni um viðbótarmat fælu í sér efnislega beiðni um nýtt mat á atriðum um geðheilsu konunnar sem hefði þegar verið fjallað um. Skúli Magnússon hæstaréttardómari skilaði sératkvæði. Hann vísaði til lagaákvæða um að þegar manneskja hefði framið brot í ákafri geðshræringu eða vegna annars skammvinns ójafnvægis á geðsmunum gæti það horft til refsilækkunar. Skúli sagði að líta yrði til þess að konan hefði verið í verulegu ójafnvægi á geðsmunum þegar hún framdi brot sín en að hún hefði gengið skipulega og sumpart yfirvegað til verks. Hann sagði að þetta ætti að hafa áhrif til refsimildunar en ekki breyta því að hún væri sakfelld fyrir alvarleg og stórfelld brot gegn sonum sínum.
Fréttastofa RÚV 
Kaldri norðlægri átt beint til landsins
Hæð yfir Grænlandi og lægðasvæði við vesturströnd Noregs beina kaldri norðlægri átt til landsins í dag þar sem yfirleitt verður fremur hægur vindur en strekkingur austast fram á kvöld.
Ölvaður maður barði hús að utan
Lögreglan á Hverfisgötu var kölluð til vegna ölvaðs manns sem var að berja hús að utan. Áður hafði verið reynt að ræða við manninn en án árangurs.
Mbl
Barði hús að utan ölvaður
Lögreglan á Hverfisgötu var kölluð til vegna ölvaðs manns sem var að berja hús að utan. Áður hafði verið reynt að ræða við manninn en án árangurs.
Verður Reykjavík grænasta borg Evrópu?
Reykjavík gæti orðið grænasta borgin í Evrópu ef við þorum að setja markið hátt. Það er margt gott að gerjast í umhverfismálum borgarinnar en við eigum svo sannarlega mikinn metnað inni. Náttúran er ekki sú eina sem myndi græða á róttækari umhverfisaðgerðum í borginni heldur myndu þær auka lífsgæði okkar allra.
Svartir sauðir: „Stjórnendur þurfa að hafa kjarkinn til að ræða fjarvistir vegna veikinda“
„Hversu heilbrigður er vinnustaður þar sem einhverjir starfsmenn stunda það að taka út tvo veikindadaga í mánuði sem þýðir að þeir sem eftir sitja þurfa að hlaupa hraðar?“ spyr Drífa Sigurðardóttir, ráðgjafi og einn eigenda Attentus, og bætir við:
Stal kreditkorti liðsfélaga og fagnaði gulli fyrir framan hana
Julia Simon varð í gær fyrsta franska konan til að vinna gullverðlaun í einstaklingskeppni í 15 kílómetra skíðaskotfimi og fagnaði gullverðlaununum fyrir framan liðsfélaga sinn sem hún stal peningum af.
Menn sem murka lífið úr öndunum á Tjörninni
Samkvæmt samfélagsmiðlanotanda í Garðabæ þorir fólk varla lengur út af heimilum sínum í London vegna yfirgangs glæpalýðs og innflytjenda. Ég leit af Twitter og út um gluggann heima hjá mér þar sem ég bý í London. Allt virtist með kyrrum kjörum. En hvað var þetta? Gat verið að þarna færi maður sem murkaði lífið úr svani og lagði hann sér svo til munns?
Ný og sláandi réttarrannsókn segir að Kurt Cubain hafi verið myrtur – „Þetta var morð. Við þurfum að gera eitthvað í þessu“
Aðdáendur hljómsveitarinnar Nirvana fengu áfall í apríl árið 1994 þegar söngvari sveitarinnar, Kurt Cobain, lést á heimili sínu í Seattle. Að mati dánardómstjórans í King County var um sjálfsvíg að ræða. Söngvarinn hafði skotið sjálfan sig með haglabyssu. Ekki voru allir aðdáendur tilbúnir að trúa þessu og hafa samsæriskenningar um andlát Cobains gengið í rúm Lesa meira
DV ÓL dagur 7: Kristrún keppir í skíðagöngu
Sjöundi keppnisdagur Vetrarólympíuleikanna er í Mílanó og Cortina á Ítalíu í dag og þá verður Kristrún Guðnadóttir í sviðsljósinu. Hún verður meðal þátttakenda í 10 km skíðagöngu með frjálsri aðferð sem hefst klukkan 12 á hádegi og verður í beinni útsendingu á RÚV 2. Þetta er önnur keppnisgrein Kristrúnar á leikunum. Hún keppti í sprettgöngu á þriðjudaginn og hafnaði í 61. sæti af 89 keppendum sem hófu keppni í undankeppninni. 30 efstu komust í úrslit svo Kristrún komst ekki áfram. Kristrún hefur sigrað í öllum flokkum á Íslandsmóti í gönguskíðum frá 2019. Hún hefur einnig náð góðum árangri erlendis, bæði í styttri og lengri göngum. Þetta eru aðrir Ólympíuleikar Kristrúnar því hún keppti í sprettgöngu í Beijing í Kína fyrir fjórum árum. Engin Vonn og sviðsljósið á Goggia Mikil eftirvænting er fyrir hraðagreininni risasvigi kvenna þrátt fyrir fjarveru Lindsey Vonn. Bandaríska ofurstjarnan datt illa í bruninu á sunnudaginn og fótbrotnaði og er ekki ólíklegt að keppnisferli hennar sé lokið. Fjarvera Lindsey Vonn þýðir að mesta athyglin verður á heimakonunni Sofia Goggia og Nýsjálendingnum Alice Robinson. Sú ítalska vann til bronsverðlauna í bruninu á sunnudag og er stigahæst í risasvigi í heimsbikarnum þegar fjórum mótum er lokið á tímabilinu. Goggia sem er 33 ára hefur komist á verðlaunapall í þremur þeirra, þar af sigrað einu sinni. Reikna má með einvígi um sigurinn milli Goggia og Robinson en sú síðarnefnda er í öðru sæti stigalistans í risasvgi í heimsbikarnum á eftir Goggia. Robinson sigraði á fyrsta móti vetrarins og náði silfverðlaunum á því næsta. Lindsey Vonn er í þriðja sæti stigalistans en eins og áður segir hefur hún lokið keppni. Aðrar skíðakonur geta þó vissulega blandað sér í baráttuna og í því samhengi eru helst nefndar hin ítalska Federica Brignone, Svisslendingurinn Malorie Blanc og Þjóðverjinn Emma Aicher. Ríkjandi Ólympíumeistari í greininni, Lara Gut-Behrami frá Sviss, missir af risasviginu vegna meiðsla. Alls verða átta beinar útsendingar frá Vetrarólympíuleikunum í dag auk Ólympíukvölds. Alls verður keppt til úrslita í níu greinum. Risasvig kvenna verður fyrsta beina útsending dagsins og svo tekur hver greinin við af annarri fram á kvöld.
Úr heimilisleysi í eldhúsið á fínum veitingastað í Bandaríkjunum
Friðgeir Trausti Helgason er ljósmyndari og matreiðslumaður á einum besta veitingastaðnum í Nýju Mexíkó í Bandaríkjunum. Leiðin þangað var grýtt og hann yfirsteig hindranir á borð við heimilisleysi og fíknisjúkdóm til að komast þangað. Guðrún Sóley og Jakob Halldórsson í Kastljósi heimsóttu Friðgeir og heyrðu sögu hans yfir rótsterkum kaffibolla. Síðustu ár hefur Þorgeir Guðmundsson kvikmyndagerðarmaður unnið að heimildamynd um Friðgeir og hann lét RÚV í té brot úr henni í umfjöllunina. Vegur Friðgeirs Trausta Helgasonar ljósmyndara og matreiðslumanns hefur vægast sagt verið vandrataður. Hann flutti ungur til Los Angeles en það seig hratt á ógæfuhliðina og hann varð heimilislaus og bjó á Skid Row um tíma. Hann spyrnti við fótum og vann sig upp innan veitingageirans samhliða ferli í ljósmyndun. „Ég ætla bara að vera hérna“ Ég var eiginlega heimilislaus á þeim tíma, ég bjó í netabát sem ég var að vinna á úti á Granda og ákvað að heimsækja mömmu um jólin. Ég yfirgaf Ísland á aðfangadag klukkan sex 1986. Flaug til LA og lendi í LA á jóladagsmorgun klukkan sex. Það er 25 stiga hiti og sól og ég leit í kringum mig og hugsaði: þetta er fínt ég ætla bara að vera hérna. Ég hef búið í Bandaríkjunum síðan. Fór í meðferð og hætti að drekka Friðgeir flutti fljótlega frá Los Angeles til New Orleans til að læra matreiðslu. Það gekk vel og hann náði skjótum árangri í faginu. „Ég vann á bestu veitingahúsunum og annað slíkt en ég varð líka alveg agalega mikil fyllibytta í leiðinni.“ 2004 var hann búsettur á Skid Row í LA og nokkurn veginn orðinn heimilislaus. Skid Row er hverfi heimilislausra í Los Angeles, þar sem hátt í 9000 búa við dapran kost. Þar eru átök og ofbeldi daglegt brauð og lögregluútköll sömuleiðis en byggðin er gríðarlega þétt, í tjöldum, hreysum og gistiskýlum. Ég skreið þar inn á heimili sem heitir Midnight mission og hætti að drekka brennivín. Ég varð edrú, fór í skóla, lærði ljósmyndun og svo kynntist ég konunni minni henni Súsönnu. Við byrjuðum að búa saman og ég fór að vinna í ljósmyndun. Vann bæði á fátækasta og ríkasta stað borgarinnar Skid Row og aðstæður heimilislausra í Los Angeles hafa verið í fréttum síðustu ár og þykja skelfilegar. Friðgeir segir ástandið hafa verið eins þegar hann var þar. Það var slæmt en ekki eins slæmt og það er í dag. Mamma býr á Skid Row núna í LA og er þar í vernduðu húsnæði. Ég fer að heimsækja hana stundum. Misskipting auðs og fátæktar verður alltaf verri og verri í Kaliforníu. Það er agalegt að horfa upp á það. Eftir að Friðgeir hætti að drekka hélt hann sig frá matreiðslustörfum og vann þess í stað á meðferðarheimilum og sinnti rágjöf þar. Þegar ég byrjaði þá var ég í homeless shelter sjálfur á Skid Row og svo er ég að vinna í Beverly Hills í villum fyrir lið sem, þú veist ef það var edrú í þrjátíu daga gaf pabbi þeim nýjan BMW. Ég var á fátækasta stað í Bandaríkjunum og svo ríkasta stað í Bandaríkjunum. Ljósmyndar meðfram matreiðslunni Friðgeir hefur alla tíð sinnt listrænni sköpun á hliðarlínunni, og ást á ljósmyndum kviknaði snemma. Hann byrjaði að ljósmynda árið 2006. Þá var hann í skóla í Los Angeles að læra kvikmyndagerð en skipti yfir í ljósmyndun sem átti vel við hann. „Ég fór strax að vinna að minni eigin rödd og hef verið að ljósmynda með kokkaríinu síðan þá. Það eru að verða 20 ár,“ segir hann. Þetta er svo mikil ástríða hjá mér, ég veit til dæmis ekkert skemmtilegra en að þvælast um endalausa þjóðvegi Bandaríkjanna og það er alveg nóg af þeim hérna í Nýju Mexíkó. Ég til dæmis tek einn til tvo daga í viku alveg í að keyra um fylkið í svona 10-14 tíma með ljósmyndavélina. Nýjasta ljósmyndasyrpa Friðgeirs heitir By the time I get to Albequerque og er mynduð í bíltúrum hans um ríkið. Hann fær líka útrás fyrir sköpun í matreiðslunni. Íslendingafélagið Los Kindos Friðgeir á góða vini í borginni því þar búa Magnús Sigurðarson myndlistarmaður og Steinunn Briem Bjarnadóttir eða Steina Vasulka vídeólistamaður. „Þegar ég flutti hingað 2022 þá vissi ég af Magga hérna og ég og Maggi vorum saman í MH í gamla daga svo við byrjuðum náttúrulega strax að grallarast eitthvað saman. Fréttum af Steinu og höfðum samband við hana og fórum bara heim til hennar og drógum hana út í kaffi og kökur, og kókoshnetupæ og Mexíkó,“ segir Friðgeir. Við stofnuðum New Mexíkó Íslendingafélagið Los Kindos. Við erum öll gjaldkerar og við hittumst svona einu sinni í mánuði og förum vanalega á Plaza Café í Santa Fe og tölum um allt nema listir. Andrúmsloft í fageldhúsum hefur löngum þótt erfitt, með öskrandi átökum, en það er ekki umhverfi fyrir Friðgeir. Þegar ég stjórna eldhúsi þá er það alltaf gert með gleði og hamingju. Þetta er erfið vinna en hún þarf ekki að vera svona erfið, hún þarf ekki að vera stressandi. Fyrir rúmum 20 árum var Friðgeir Trausti Helgason heimilislaus á Skid Row í Los Angeles. Hann fór inn á meðferðarheimili, varð edrú og lærði ljósmyndun. Nú er hann matreiðslumaður á einum besta veitingastaðnum í Nýju Mexíkó í Bandaríkjunum.
Ætla sér að reyna að kaupa Grealish þrátt fyrir meiðslin
Everton hefur áhuga á að semja varanlega við Jack Grealish, leikstjórnanda Manchester City, samkvæmt fréttum The I. Talið er að félagið skoði 25 milljóna punda kaupverð fyrir Englendinginn, sem hefur verið á láni hjá félaginu á þessu tímabili. Grealish verður þó frá keppni út leiktíðina eftir að hafa orðið fyrir álagsbroti í fæti í 1-0 Lesa meira
Almannavarnir á óvissutímum
Almannavarnir voru stofnaðar með lögum frá Alþingi árið 1962. Hlutverk almannavarna var að skipuleggja og gera ráðstafanir til að koma í veg fyrir að almenningur yrði fyrir tjóni af völdum hernaðaraðgerða og ekki síður að veita aðstoð vegna mögulegs tjóns.
Vegkaflinn þar sem banaslysið varð ekki talinn mjög illa farinn
Vegkaflinn þar sem banaslys varð á Miklubraut á dögunum er ekki á forgangslista Vegagerðarinnar yfir vegaframkvæmdir. Vegagerðin segir það ekki munu koma í ljós fyrr en skýrsla Rannsóknarnefndar samgönguslysa liggur fyrir hvort ástand vegarins hafi átt þátt í slysinu.
Allt að fimmtán stiga frost í dag
Nú er eins gott að klæða sig vel því það verður kalt um allt land. Útlit er fyrir allt að fimmtán stiga frost í innsveitum og þó kuldinn bíti minna annars staðar verður hiti alltaf nokkuð undir frostmarki. Veðurspáin er svohljóðandi: Norðlæg eða breytileg átt þrír til tíu metrar á sekúndu, en strekkingur austast fram á kvöld. Víða él um landið norðanvert, og sums staðar við suðurströndina, annars bjart að mestu. Frost 3 til 15 stig, kaldast inn til landsins.