Auðvelt er að eiga við akstursmæla í bílum með einföldum búnaði. Mikið hefur verið leitað til Félags íslenskra bifreiðaeigenda vegna kílómetragjaldsins, því fólk vill fá að vita hvernig eigi að skrá réttar upplýsingar, og eins hefur borið á því að fólk velti fyrir sér hvernig hægt sé að svindla á kerfinu. FÍB varar þó við því að fólk grípi til slíkra aðgerða til að lækka möguleg útgjöld, slíkt flokkist undir skjalafals og skattalagabrot og við því eru ströng viðurlög. Björn Kristjánsson, tækniráðgjafi hjá FÍB, segir að til séu margar leiðir til að hafa áhrif á kílómetramæla í bílum. „Okkur hefur verið bent á að það er bæði hægt að frysta mælana, stöðva talningu á þeim með tiltölulega auðveldum búnaði, og síðan er líka hægt að skrúfa mæla til baka og jafnvel taka þá úr sambandi,“ segir Björn. „Þetta er auðvitað misjafnt á milli bílaframleiðenda og þetta verður erfiðara eftir því sem bílar eru nýrri.“ Auðvelt er að eiga við akstursmæla í bílum með einföldum búnaði. Félag íslenskra bifreiðaeigenda varar þó við því að fólk grípi til slíkra aðgerða til að lækka útgjöld vegna kílómetragjaldsins. Þarf að skrá kílómetrastöðu fyrir 20. janúar Kílómetragjaldið nær til allra ökutækja, er lægst 6,95 krónur fyrir hvern ekinn kílómetra og fer svo stighækkandi eftir þyngd bifreiða. Fjárhæðin byggist á áætlun um meðalakstur, sem unnin er út frá skráningum á kílómetrastöðu sem skila þarf inn í síðasta lagi 20. janúar á mínum síðum á vefsvæðinu island.is. Hægt er að skrá akstur mánaðarlega, en einnig dugar að reiða sig á árlega skráningu þegar farið er með bíl í skoðun og er gjaldið þá áætlað. Mjög erfitt er fyrir skoðunarstöðvar að sjá hvort átt hefur verið við kílómetramæla og starfsmönnum ber einungis skylda til að skrá þá tölu sem sést í mælaborði. „Ef þú ekur 20.000 km á ári, og þú setur mælinn í 5.000 km, þá er kannski engin leið fyrir skoðunarmann að átta sig á því hvað þú ert að aka mikið. En ef upp kemst þá verður það skráð í gögn bílsins og það er eitthvað sem enginn vill hafa á vottorði bílsins, að það sé búið að eiga við hraðamælinn í bílnum,“ segir Björn. Ströng viðurlög ef upp kemst um svindl Björn bendir á að kílómetrastaðan sé ekki skráð í eina tölvu í bílnum heldur í nokkrar, þannig að ef átt er við mælingu er líklegt að misræmið komist upp. Eins er kílómetrastaða skráð á fleiri stöðum en við árlega skoðun bíla, til að mynda þegar farið er með bifreiðir í þjónustuskoðun og við kaup og sölu, og þar gætu ummerki um aukabúnað og misvísandi skráningar vakið athygli. Tæpt ár er liðið síðan eigendum rafbíla var gert að skrá ekna kílómetra og greiða kílómetragjald, og FÍB hefur ekki fengið neinar ábendingar um að svindlað hafi verið á því kerfi. Björn bendir á að fólk sé ekki að spara sér stórar fjárhæðir með því að eiga við akstursmæla í bílum og ítrekar að viðurlög geti verið um 500 þúsund króna sekt, eða allt að tífaldur áætlaður akstur. „En ef fólk hefur mikinn áhuga á þessu, þá er þetta bara hreint og beint skjalafals og skattalagabrot, að eiga við mælinn. Við mælum ekki með því að fólk fari í þessar æfingar,“ segir Björn.

• Fréttastofa RÚV
• 20 saat, 54 dakika

Jaime Redknapp, fyrrverandi leikmaður Liverpool og núverandi knattspyrnuspekingur, segir Aston Villa þurfa að bæta liðið sitt aðeins í janúar til þess að eiga alvöru möguleika á að vinna ensku úrvalsdeildina.

• Mbl
• 20 saat, 55 dakika

Framkvæmdir við ofanflóðavarnir við Nes- og Bakkagil í Neskaupstað hafa gengið vel að undanförnu og eru töluvert á undan upprunalegri tímaáætlun. Frá þessu segir í frétt á vef Fjarðabyggðar. Lokið er við uppsetningu 14 af 20 keilum og vinna við grindarkerfi þvergarðs er vel á veg komin

• Mbl
• 20 saat, 56 dakika

Ástæða er til að skipuð verði rannsóknarnefnd sem fjalli um snjóflóðið sem féll á Flateyri 26. október 1995; orsakir þess, viðbrögð og eftirfylgni. Þetta segir Jón Svanberg Hjartarson framkvæmdastjóri Neyðarlínunnar, sem tengist atburðunum vestra fyrir 30 árum með ýmsu móti

• Mbl
• 20 saat, 57 dakika

Flugeldasala Landsbjargar hefst um land allt á morgun og var undirbúningur í fullum gangi í dag. Flugeldasalan er stærsta fjáröflun björgunarsveita landsins og nær alla jafna alltaf hámarki á sjálfan gamlársdag.

• Mbl
• 21 saat, 14 dakika

Í dag var fyrsti almenni opnunardagur verslana eftir jól og margir fóru í búðir - sumir til að skila jólagjöfum sem henta ekki af ýmsum ástæðum, aðrir til að kaupa það sem vantaði undir tréð. Verslunum er í sjálfsvald sett hvort og hvernig þær taka við seldri vöru. Útsölur eru byrjaðar og skilareglur eru mismunandi milli búða. Stóri skila- og skiptadagurinn er í dag og annríki í mörgum verslunum þar sem fólk freistar þess að skila jólagjöfum. „Langflestar verslanir vilja gera vel við viðskiptavini sína,“ segir Breki Karlsson, formaður Neytendasamtakanna. Í Kringlunni voru margir í þeim erindum að skipta eða skila ýmsu sem þeir höfðu fengið í jólagjöf. Algeng ástæða var að fatnaður væri ekki í réttri stærð. Verslanir ráða sjálfar skilarétti Engar reglur eða lög eru um skilarétt á ógallaðri vöru. Samkvæmt viðmiðum Neytendasamtakanna er skilaréttur í 14 daga eftir kaup, en hver verslun getur sett sér eigin skilareglur. Spurður hvort fólk þurfi að flýta sér að skila jólagjöfum áður en útsölur hefjast segist Breki mæla með því. „Því fyrr, því betra að koma þessu áfram, að það gleymist ekki uppi í skáp og maður man ekki eftir því fyrr en næstu jól.“ Og hann stingur upp á nýju heiti þessara daga - þ.e. þegar margir eru að skila og skipta vörum og notar til þess hugtak úr málfræði sem að öllu jöfnu er notað yfir tíð. „Það má segja að það sé nokkurs konar skildagatíð um þessar mundir.“ Útsölur eru byrjaðar í nokkrum verslunum en þær hefjast flestar 2. janúar. Og sumir byrja fyrr en aðrir – en útsala Elko var opnuð á vefsíðu verslunarinnar á jóladag og síðan hófst hún í verslunum Elko í dag. Spurður hvort einhverjir hafi verslað á jóladag segir Arinbjörn Hauksson, forstöðumaður markaðssviðs Elko, svo vera. „Já, það er alltaf þannig að þegar útsalan virkjast þá hefst útsöluverslunin.“

• Fréttastofa RÚV
• 21 saat, 16 dakika

Pólski framherjinn Robert Lewandowski gæti verið á förum frá stórliðinu Barcelona í sumar samkvæmt hinum áreiðanlega Fabrizio Romano.

• Mbl
• 21 saat, 25 dakika

Mikel Arteta, stjóri Arsenal, var hæstánægður með hugarfar Declan Rice og annarra leikmanna sinna í 2-1 sigrinum gegn Brighton í dag og sagði þá hafa verðskuldað mun stærri sigur.

• Vísir
• 21 saat, 28 dakika

Tvær goðsagnir í enska boltanum talast ekki saman en það eru leikmenn sem flestir knattspyrnuáhugamenn kannast við. Um er að ræða þá Michael Owen og Alan Shearer sem voru frábærir markaskorarar upp á sitt besta á sínum ferli. Shearer var stjóri Newcastle árið 2008 er Owen var leikmaður liðsins og gagnrýndi viðhorf og vinnuframlag leikmannsins Lesa meira

• DV
• 21 saat, 45 dakika

Aston Villa vann góðan 2:1-sigur á liði Chelsea á Stamford Bridge í kvöld í ensku úrvalsdeildinni. João Pedro skoraði mark Chelsea í fyrri hálfleik en Ollie Watkins sem kom inn á sem varamaður í seinni hálfleik skoraði bæði mörk Aston Villa. Þetta var áttundi sigurleikur Aston Villa í röð í ensku úrvalsdeildinni og ellefti sigurleikur liðsins í röð í öllum keppnum.

• Mbl
• 21 saat, 55 dakika

Haukur Þrastarson hefur farið á kostum fyrir lið sitt Rhein-Neckar Löwen í Þýskalandi á leiktíðinni og er í sérflokki í þýsku deildinni þegar kemur að fjölda stoðsendinga.

• Vísir
• 22 saat, 2 dakika

Arne Slot, knattspyrnustjóri Liverpool, var hæstánægður með fyrsta deildarmark Florian Wirtz er Liverpool hafði betur gegn Wolves, 2:1, í 18. umferð ensku úrvalsdeildarinnar í knattspyrnu í dag.

• Mbl
• 22 saat, 5 dakika

Maður sem er grunaður um ofbeldisbrot gagnvart sambýliskonu sinni var fyrr í þessum mánuði gert að sæta brottvísun af heimili þeirra og sætir jafnframt nálgunarbanni gagnvart henni. Myndefni úr öryggismyndavél sýnir gróft ofbeldi mannsins í garð konunnar.

• Vísir
• 22 saat, 10 dakika

Foreldrar verða að vera meðvitaðir um hvaða efni börn þeirra skoða á netinu, segir sérfræðingur hjá Heimili og skóla. Á samfélagsmiðlum sé alls konar óviðeigandi efni sem geti haft skaðleg áhrif á börn. Með tilkomu gervigreindar er æ auðveldara að búa til alls kyns myndbönd. Slíkt efni, oft kallað AI slop eða brain rot upp á ensku, flæðir yfir samfélagsmiðla. Sérfræðingur hjá Heimili og skóla segir mikilvægt að foreldrar séu meðvitaðir um hvaða efni börn þeirra skoða á netinu. „Þau fá stöðugt áreiti, heilinn bara alveg non-stop og það er náttúrlega bara ákveðin fíkn sem sem þau fara ósjálfrátt að sækjast í,“ segir Sigurjón Már Fox Gunnarsson, sérfræðingur hjá Heimili og skóla. „Það getur klárlega haft skaðleg áhrif á þau.“ Sérfræðingur hjá Heimili og skóla segir mikilvægt að foreldrar séu meðvitaðir um hvaða efni börn þeirra skoða á netinu. Á samfélagsmiðlum sé alls konar óviðeigandi efni sem geti haft skaðleg áhrif á börn. Auðvelt að detta niður í kanínuholur „Foreldrar vita alveg af hættunni en það er svo auðvelt að detta niður í kanínuholur þar sem börnin eru kannski að horfa á saklaust efni og svo ýta á næsta myndband og svo framvegis og áður en þau vita af eru þau komin í svona gervigreindarmyndbönd sem eru oft bara voðalega óhugnanleg og kannski ekki með boðskap sem við viljum að börnin okkar verði vitni að,“ segir Sigurjón Már. Þá sé oft óviðeigandi auglýsingum beint að börnum á þessum miðlum. „Þá sérstaklega að strákum eru það veðmálaauglýsingar og stúlkur fá oft með húðmeðferðir eða einhvers konar megrunarmeðferðir,“ segir Sigurjón Már og bendir á að Ísland sé í öðru sæti í Evrópu varðandi unglinga sem stunda veðmál. Skjáskot af auglýsingu á YouTube sem er beint að ungum stúlkum. Hugarfarsbreyting að verða varðandi samfélagsmiðla og börn Ástralía varð á dögunum fyrsta ríki í heimi sem bannar samfélagsmiðla fyrir börn, sem þýðir að yngri en sextán ára mega ekki að vera með aðgang að miðlum eins og Facebook, Instagram, TikTok, Snapchat, YouTube og fleirum. Sigurjón Már fagnar framtakinu og vonar að Ísland fari sömu leið. „Mér finnst að börn eigi ekki heima á samfélagsmiðlum og bara vona að við Íslendingar stigum þetta skref líka.“ En er raunhæft að banna börnum að nota þessa miðla? „ Það er alveg erfitt í útfærslu og börn eru snillingar í að finna leiðir fram hjá síum. En já, mér finnst það alveg raunhæft,“ segir Sigurjón Már. „Það er hugarfarsbreyting sem er að verða í samfélaginu okkar - og ekki bara okkar heldur úti um allan heim - og ég tel að eftir tíu ár að þá eigum við eftir að hugsa til baka og velta fyrir okkur bara hvað vorum við að spá að hleypa börnunum okkar svona ungum inn á þessa miðla.“ „Börn eiga aldrei að þurfa að vera ein í erfiðum aðstæðum og það á líka við um netið,“ segir Sigurjón Már.

• Fréttastofa RÚV
• 22 saat, 16 dakika

Enginn var með fyrsta vinning í útdrætti kvöldsins í Lottó. Þrír miðahafar skiptu hins vegar með sér bónusvinningnum og fá tæpar 228 þúsund krónur í sinn hlut.

• Mbl
• 22 saat, 17 dakika

Lokaleik dagsins í ensku úrvalsdeildinni er nú lokið en Aston Villa heimsótti þar Chelsea í hörkuleik. Chelsea var miklu sterkari aðilinn í fyrri hálfleik og áttu gestirnir ekki skot að marki – Joao Pedro skoraði eina mark þess hálfleiks fyrir Chelsea. Ollie Watkins kom inná sem varamaður fyrir Villa í hálfleik og það virtist breyta Lesa meira

• DV
• 22 saat, 20 dakika