Kai Havertz, sóknarmaður Arsenal, er á leið í stutt hlé frá keppni vegna vöðvameiðsla. Þýski landsliðsmaðurinn, sem er 26 ára, hefur fundið fyrir óþægindum í vöðva og verður því frá næstu leiki hjá félaginu. Talið er að hann missi af leikjum Arsenal gegn Brentford og Tottenham Hotspur í ensku úrvalsdeildinni. Samkvæmt heimildum Athletic innan félagsins Lesa meira
Landsliðsmaðurinn Gísli Þorgeir Kristjánsson var markahæstur í sigri Magdeburg á Lemgo, 36:32, í þýsku Bundesligunni í handbolta í kvöld.
Sverrir Ingi Ingason var í byrjunarliði Panathinaikos er liðið féll úr leik í grísku bikarkeppninni með 2-0 tapi á útivelli gegn PAOK, sem hefur ekki tapað á heimavelli í heilt ár.
Sverrir Ingi Ingason var í byrjunarliði Panathinaikos er liðið féll úr leik í grísku bikarkeppninni með 2-0 tapi á útivelli gegn PAOK, sem hefur ekki tapað á heimavelli í heilt ár.
Halla Tómasdóttir forseti Íslands afhenti Íslensku bókmenntaverðlaunin og Íslensku glæpasagnaverðlaunin Blóðdropann við hátíðlega athöfn á Bessastöðum og í beinni útsendingu á RÚV í kvöld. Íslensku bókmenntaverðlaununum var komið á fót árið 1989 í tilefni af 100 ára afmæli Félags íslenskra bókaútgefenda. Verðlaunaféð er ein milljón króna fyrir hvert verðlaunaverk og eru í boði Félags íslenskra bókaútgefenda. Verðlaunagripurinn Blængur, blásvartur hrafn steyptur í kopar, eftir myndlistarmanninn Matthías Rúnar Siguðrsson, var afhentur verðlaunahöfum Íslensku bókmenntaverðlaunanna í þriðja sinn. Blóðdropinn Blóðdropann hlaut að þessu sinni Margrét Höskuldsdóttir fyrir bókina Lokar augum blám. Útgefandi er Vaka Helgafell. „Það er mikill heiður að hljóta þessi verðlaun og ég tek á móti þeim með þakklæti í hjarta,“ sagði Margrét þegar hún veitti verðlaununum viðtöku. Hún var 49 ára þegar fyrsta bók hennar kom út og hafði þá sinnt kennslu í fjölda ára. Hún geymdi þó alltaf þann draum innra með sér að reyna á vængina og skrifa bók. Skilaboð hennar í kvöld voru því: „Það er aldrei of seint að elta draumana þína. Þeir geta nefnilega ræst.“ Hún tileinkaði verðlaunin fjölskyldu sinni og vinum og 13 ára stelpu sem ólst upp í litlu sjávarplássi vestur á fjörðum. „Þessi unga stelpa var alin upp í kringum bækur. Hún var alin upp af fólki sem kenndi henni að meta þann fjársjóð sem bækur eru. Að lesa bækur býður upp á ótal hugræn ferðalög og það er bókunum að þakka að þessi stelpa ferðaðist til Þrændalaga í Noregi, til Suður-Englands að leysa ráðgátur, í Matthíasarskóg og Kirsuberjadal.“ Þess vegna þykir henni sérstaklega skemmtilegt að geta boðið lesendum sínum í hin ýmsu ferðalög sjálf. Skáldverk Í flokki skáldverka hlaut Sigrún Pálsdóttir verðlaun fyrir bókina Bláa pardusinn: hljóðbók. Útgefandi er Mál og menning. Sigrún velti fyrir sér hvernig samtíminn mun móta bókmenntir framtíðarinnar þegar hún veitti verðlaununum viðtöku. Hún benti á að í gegnum aldirnar hafi yrkisefnin iðulega verið styrjaldir, þjóðarmorð og pólitík „af þannig tegund að hún hefur endanlega gengið af satírunni dauðri.“ Þetta séu því miður enn yrkisefnin í dag. „En ólíkt skáldum fyrri alda er vandi okkar ekki aðeins sá að finna leiðir til að ná utan um grimmd og sturlun heimsins og allar þær breytingar sem við okkur blasa, því nú berjumst við svo að segja á tvennum vígstöðvum. Og ég spyr: Var þetta nú virkilega nauðsynlegt? Að setja alla þessa vinnu í þróun tækni sem mun að lokum öðlast færni til ræna okkur því sem skilgreinir manninn sem tegund og kippa um leið stoðum undan tilvist skáldskaparins, þeirri iðju og afurð hennar sem heldur í okkur lífinu hvort sem við göngumst við því eða ekki,“ hélt hún áfram. Sérhver nýsköpun á sviði bókmennta mun, að mati Sigrúnar, að öllum líkindum grafa undan sjálfri sér um leið og tæknin hefur klófest hana. „Þetta er svo fullkomlega glatað að það er eiginlega ekki hægt annað en að fyllast eldmóði og baráttuhug; það er satt að segja eitthvað spennandi við þennan bardaga sem bíður okkar. Og herópið, það kemur frá James Joyce: Megum við öll vera reiðubúin að farast með djörfum tilraunum okkar.“ Barna- og ungmennabækur Í flokki barna- og ungmennabóka hlutu Ævar Þór Benediktsson og Elín Elísabet Einarsdóttir myndhöfundur verðlaun fyrir bókina Skólastjórinn. Útgefandi er Mál og menning. „Kærar þakkir fyrir þennan mikla heiður,“ sagði Ævar Þór þegar hann tók við verðlaununum. Hann sagðist bæði meðvitað og ómeðvitað alltaf vera að skrifa fyrir Ævar í fimmta bekk og sagðist þykja afar vænt um Skólastjórann. Hann þakkaði fjölskyldu sinni og vinum, Forlaginu, Elínu Elísabetu og öðrum sem komu að bókinni. Einnig þakkaði hann Sigþrúði Gunnarsdóttur, framkvæmdastjóra Forlagsins, fyrir að vera tilbúin að setjast niður með sér þegar hann hafði fyrst samband fyrir mörgum árum og sagðist vera með sögu þar sem lesandinn ræður hvað gerist næst. „Við erum reyndar nýbúin að gefa út erótíska útgáfu af þannig bók, en kíktu samt endilega við,“ var svar hennar. „Skólastjórinn kennir okkur að bæði kennarar og krakkarnir sem geta ekki setið kyrrir í tíma séu manneskjur. Enginn er bara eitthvað eitt. Við þurfum að kunna að setja okkur í spor annarra. Í dag hefur sú lexía aldrei verið mikilvægari.“ Fræðibækur og rit almenns efnis Í flokki fræðibóka og rita almenns efnis hlaut Kristín Svava Tómasdóttir verðlaun fyrir bókina Fröken Dúlla: ævisaga. Útgefandi er Benedikt bókaútgáfa. „Nú í febrúar eru liðin 85 ár síðan Jóhanna Knudsen var ráðin til þeirra lögreglustarfa sem hafa helst haldið minningu hennar á lofti. Ég veit ekki hvað henni þætti um að vera með mér hér í kvöld, í vissum skilningi í aðalhlutverki en þó svo berskjölduð fyrir síðari kynslóðum, augliti okkar og dómum,“ sagði Kristín Svava þegar hún tók við verðlaununum. Hún segir bókina ekki hafa verið ætlaða til að hampa fröken Dúllu heldur sé hún tilraun til að greina og skilja. Svo las hún upp úr bréfi sem sextán ára stúlka skrifaði vinkonu sinni veturinn 1942-43 í seinni heimsstyrjöldinni miðri. Bréfið sé fallegt dæmi um texta sem var sennilega varðveittur sem vitnisburður um ógnir sem steðjuðu að íslenskri menningu og tungu en einnig vitnisburður um lífsgleði, vináttu og lifandi möguleika þessarar sömu menningar og tungu. Fjögurra manna lokadómnefnd valdi verkin úr tuttugu bókum sem tilnefndar voru til verðlaunanna í desember, fimm bækur í hverjum flokki. Í lokadómnefnd voru Andri Már Sigurðsson, Ásrún Matthíasdóttir, Dagrún Ósk Jónsdóttir, Davíð Roach Gunnarsson og Ástráður Eysteinsson sem var formaður nefndarinnar. Fyrsta ár verðlaunanna, 1989, var þeim ekki skipt upp í flokka en tilnefndar voru tíu bækur. Fyrsti verðlaunahafinn var ljóðskáldið Stefán Hörður Grímsson fyrir bókina Yfir heiðan morgun. Árið eftir var tilhögun verðlaunanna breytt þannig að tilnefndar bækur skiptust í tvo flokka, fagurbækur annars vegar og fræðibækur og bækur almenns efnis hins vegar. Þannig héldust verðlaunin til ársins 2013 þegar flokki barna- og ungmennabóka var bætt við. Árið 2020 var flokki fagurbóka, eða fagurbókmennta, breytt í flokk skáldverka. Árið 2022 tók Félag íslenskra bókaútgefenda að sér framkvæmd og fjármögnun Íslensku glæpasagnaverðlaunanna Blóðdropans. Veiting þeirra og tilnefningar fara fram samhliða Íslensku bókmenntaverðlaununum. Frá upphafi hafa 87 höfundar fengið Íslensku bókmenntaverðlaunin. Eftirfarandi hafa hlotið þau oftar en einu sinni: Guðjón Friðriksson (4), Andri Snær Magnason (3), Hallgrímur Helgason (3), Arndís Þórarinsdóttir (2), Guðbergur Bergsson (2), Gunnar Helgason (2), Hörður Ágústsson (2), Rán Flygenring (2), Silja Aðalsteinsdóttir (2) og Steinunn Sigurðardóttir (2). Ártal Blóðdropans miðaðist við afhendingarár verðlauna en ekki útgáfuár bókar fram til ársins 2023 þegar árinu var breytt til samræmis við útgáfuár verðlaunabókar, líkt og í tilviki Íslensku bókmenntaverðlaunanna. Frá upphafi hafa 13 rithöfundar fengið Blóðdropann, eftirfarandi oftar en einu sinni: Stefán Máni (4), Yrsa Sigurðardóttir (3), Arnaldur Indriðason (2) og Lilja Sigurðardóttir (2).
Aron Pálmarsson hefur verið ráðinn aðstoðarþjálfari handboltaliðs FH út yfirstandandi tímabil.
Halldór Árnason var rekinn úr starfi sem þjálfari Breiðabliks síðasta haust og hefur verið án starfs allt þar til núna ef marka má Kristján Óla Sigurðsson, sparkspeking. Kristján Óli sagði frá því í Þungavigtinni í dag að Halldór væri byrjaður að starfa sem aðstoðarmaður í U19 ára landsliði karla. Kristján sagðist hafa skellt sér í Lesa meira
Kavíar er vel þekkt lúxusvara meðal sjávarafurða en óvænt tískubylgja þar sem kavíar er paraður við kjúklinganagga hefur náð ákveðnu hápunkti með nýrri markaðsherferð McDonald's.
Aron Pálmarsson hefur verið ráðinn til starfa sem aðstoðarþjálfari FH í Olís deild karla í handbolta og mun sinna starfinu það sem eftir lifir tímabils.
Áfram héldu ólympíumeistaratitlarnir að hrannast inn á Vetrarólympíuleikunum á Ítalíu í dag. Ekkert lát er á velgengni Svisslendingsins Franjo von Allmen í brekkunni. Von Allmen vann nokkuð óvænt gullverðlaun í bruni karla um helgina og fékk svo líka gullverðlaun í alpatvíkeppni í upphafi vikunnar. Í dag var keppt í risasvigi sem Von Allmen fór á 1 mínútu og 25.32 sekúndum og stóð uppi sem ólympíumeistari Marco Odermatt, samlandi von Allmen sem verið hefur besti skíðamaður heims undanfarin ár, var enn að reyna við sín fyrstu gullverðlaun á þessum leikum en hann varð að sætta sig við bronsið. Odermatt kom í mark 0,28 sekúndum á eftir von Allmen en Bandaríkjamaðurinn Ryan Siegle-Cochran náði silfrinu, 0,13 sekúndum á eftir Allmen. Franjo von Allmen, sem er 24 ára, er aðeins þriðji skíðamaðurinn til að vinna þrenn ólympíugullverðlaun í alpagreinunum á sömu leikunum og sá fyrsti síðan 1968 þegar Jean-Claude Killy gerði það. Ólympíumet í skautaspretti Í 1000 metra skautaspretti litu flestir á Bandaríkjamanninn Jordan Stolz sem manninn sem þyrfti að sigra en hann hafði tvívegis orðið heimsmeistari í greininni. Stolz gekk frábærlega á svellinu og skautaði í mark á tímanum 1:06,28 mínútum. Það var ekki bara besti tími dagsins heldur setti hann nýtt Ólympíumet í greininni. Stolz fagnaði vel og innilega en þetta voru hans fyrstu verðlaun á Ólympíuleikum. Vann upp 28 sekúndur og tók sjöundu gullverðlaun Noregs Í norrænni tvíkeppni er byrjað á því að stökkva af venjulegum stökkpalli og svo er ræst út í 10 kílómetra skíðagöngu. Kristjan Ilves frá Eistlandi átti besta stökkið og fékk 132,6 stig. Næstir á eftir honum komu Thomas Rettenegger frá Austurríki og Japaninn Ryota Yamamoto og ræstu þeir út 15 og 19 sekúndum á eftir Ilves. Jens Lurås Oftebro frá Noregi fékk 125,6 stig fyrir stökkið og fór út í brautina 28 sekúndum á eftir Ilves. Oftebro náði að ganga uppi fremstu menn og kom fyrstur í mark og tryggði Noregi sín sjöundu gullverðlaun á leikunum. Johannes Lamparter frá Austurríki endaði í öðru sæti sekúndu á eftir Oftebro og Eero Hirvonen tók bronsið. Gullið til Ítalíu í baksleða kvenna Í tveggja manna baksleða kvenna var það ítalska parið Andrea Voetter og Marion Oberhofer sem náðu besta tíma dagsins í báðum ferðum. Þær urðu heimsmeistarar í greininni árið 2024 og sýndu mikla yfirburði í brautinni í dag sem endaði með þeirra fyrstu verðlaunum á Ólympíuleikum. Fyrstu einstaklingsgullverðlaun Simon Í dag var svo komið að konunum í skíðaskotfiminni en grein dagsins var 15 kílómetra ganga með fjórum skotseríum. Hin franska Julia Simon vann þar sín fyrstu einstaklingsgullverðlaun á Ólympíuleikum en hún hafði áður unnið gull með frönsku sveitinni í 4x6km boðgöngunni. Þar var Lou Jeanmonnot liðsfélagi hennar og hún bætti silfri í safnið í dag. Þriðja varð svo Lora Hristova frá Búlgaríu.
Starfsfólk bráðamóttöku Landspítalans kom saman í dag og fundaði um starfsaðstæður þeirra. Það krefst þess að framkvæmdar verði úttektir á aðbúnaði og áhrifum á sjúklinga.
Alma Möller heilbrigðisráðherra segir mikilvægast að fækka sjúklingum á spítalanum og flytja þau annað sem hafa lokið meðferð og geta farið annað. Á næstu dögum bætist við hjúkrunar- og dagdvalarrými til að taka við sjúklingum. Hún segir að sér líði ekki vel með stöðu spítalans og vanlíðan starfsfólks.
Íslensku bókmenntaverðlaunin og Íslensku glæpasagnaverðlaunin afhent á Bessastöðum nú fyrir stundu.
Erlendum ríkisborgara var vísað úr landi á föstudag vegna þjófnaðar í verslun í Reykjavík, degi eftir komuna til landsins. Samkvæmt upplýsingum frá lögreglu var maðurinn á þrítugsaldri en þýfið fannst í fórum hans og við yfirheyrslu hjá lögreglu játaði maðurinn sök. Lögreglan telur tilgang ferðar mannsins til landsins hafa verið að stunda brotastarfsemi hérlendis.
Atlantshafsbandalagið hefur formlega hleypt af stokkunum verkefninu Vörður norðurslóða (e. Arctic sentry) sem er ætlað að auka eftirlit og umsvif hersveita og efla viðbragðsgetu bandalagsins í norðri. Utanríkisráðherra er mætt til Brussel og segir að Íslendingar muni finna fyrir hinu aukna umfangi.
Forseti Íslands, Halla Tómasdóttir, afhenti í dag, miðvikudaginn 11. febrúar, Íslensku bókmenntaverðlaunin og Íslensku glæpasagnaverðlaunin Blóðdropann, við hátíðlega athöfn á Bessastöðum og í beinni útsendingu á RÚV. Verðlaunin nema einni milljón króna fyrir hvert verðlaunaverk og eru kostuð af Félagi íslenskra bókaútgefenda. Verðlaunagripurinn Blængur, blásvartur hrafn steyptur í kopar, eftir myndlistarmanninn Matthías Rúnar Sigurðsson, var Lesa meira
DV 
Mbl 
Vísir 
Fréttastofa RÚV