Add source Login
Ráðist á unnustu rokkgoðsagnarinnar

Ráðist á unnustu rokkgoðsagnarinnar

Melanie Hamrick, unnusta rokkgoðsagnarinnar Mick Jagger, fullyrðir að hún hafi orðið fyrir árás á klúbbi í London. „Þetta er ótrúlega erfitt að deila þessu, en ég varð fyrir líkamlegri árás á Annabel’s Mayfair í kvöld,“ skrifaði danshöfundurinn í Instagram-færslu sem síðan hefur verið eytt. „Ég er svo þakklát vinum mínum fyrir að vernda mig. Tveir Lesa meira

Tveir af þeim þremur styrkjum til nemenda Háskólaseturs Vestfjarða

Tveir af þeim þremur styrkjum til nemenda Háskólaseturs Vestfjarða

Byggðastofnun hefur frá árinu 2015 veitt styrki til meistaranema sem vinna að lokaverkefnum á sviði byggðaþróunar. Kostur hefur verið ef verkefnið hefur skírskotun í byggðaáætlun. Stjórn Byggðastofnunar ákvað á fundi sínum þann 11. desember 2025 að styrkja þrjá meistaranema sem vinna að lokaverkefnum á sviði byggðamála. Auglýsing um styrkina var birt 16. september 2025 og […]

Ópera um afleiðingar nauðgunar

Ópera um afleiðingar nauðgunar

Finnska tónskáldið Kaija Saariaho fæddist í Helsinki árið 1952, en bjó lengi og starfaði í París og var eitt af merkustu tónskáldum seinni tíma. Hún dó árið 2023, sjötug að aldri. Saariaho samdi verk af ýmsu tagi og „Adriana Mater“ var önnur ópera hennar, frumsýnd í Bastilluóperunni í París árið 2006. Texti óperunnar er á frönsku og höfundur hans er Amin Maalouf, sem er fæddur í Líbanon 1949, en hefur búið í París frá árinu 1976. Maalouf er virtur rithöfundur og hefur meðal annars fengið Goncourt-verðlaunin frönsku fyrir skáldsögu sem kom út 1993. Upphaf óperunnar Óperan gerist í ótilgreindu landi. Það er farið að rökkva, Adríana, ung stúlka, stendur úti fyrir húsi sínu og syngur. Þegar hún ætlar inn kemur ungur maður að nafni Tsargo og fer í veg fyrir hana. Hann reynir að vingast við Adríönu, en hann er drukkinn og Adríana segir honum að hypja sig burt. Eftir að þau hafa skipst á nokkrum orðum lötrar Tsargo burt með flösku sína. Adríana fer inn og Refka systir hennar ávítar hana fyrir að eyða orðum á þennan fylliraft. Henni finnst að Adríana hefði átt að láta eins og hún sæi hann ekki og heyrði ekki til hans, þannig eigi fyrirlitning að vera. Adríana segir að það sé ekki fyrirlitning, heldur dulbúinn ótti sem konum hafi verið innrættur frá dögum Evu. Hún ætli ekki að þegja, heldur segja skoðun sína hátt og skýrt. Stríð og ofbeldi Annað atriði fyrri þáttar gerist að nokkrum tíma liðnum. Nú geysar stríð, og Tsargo er gjörbreyttur, hann er orðinn sjálfsöruggur liðsforingi. Hann ber á dyr hjá Adríönu og segir henni að opna, óvinirnir séu á leiðinni og hann þurfi að komast upp á þak hússins hennar til að fylgjast með þeim. Adríana gægist út, en hún er tortryggin og vill ekki opna. En Tsargo brýst inn um dyrnar, ræðst á Adríönu og nauðgar henni. Þriðja atriði gerist nokkrum mánuðum síðar. Stríðinu er lokið, en Adríana er ófrísk eftir nauðgunina og komin langt á leið. Refka segist ekki ásaka hana, en hún skilji samt ekki af hverju hún hafi viljað eignast barnið. „Þetta verður mitt barn,“ segir Adríana, „ekki barn nauðgarans. Það verður líkt mér.“ Þegar Refka er farin viðutkennir Adríana fyrir sjálfri sér að hún sé ekki viss. Hún finnur annan hjartslátt nálægan sínum, en hver er þessi ókunna vera sem býr innra með henni? Í æðum barnsins streymir í senn blóð ofbeldismannsins og blóð fórnarlambsins. Hvernig er hægt að skilja þar á milli? Að sautján árum liðnum Seinni þáttur gerist að 17 árum liðnum. Yonas, sonur Adríönu, er nú orðinn ungur maður og í upphafi þáttarins æðir hann inn í húsið, bálreiður. Hann hefur komist að því að það er ósatt sem móðir hans sagði honum um föður hans, að hann hefði verið hetja sem dó í stríðinu. Adríana viðurkennir að hafa sagt ósatt og hún sjái nú að það hafi verið rangt, en hún hafi viljað vernda hann fyrir sannleikanum. Hún hafi átt erfitt með að segja syni sínum að sér hefði verið nauðgað og nauðgarinn væri faðir hans. Yonas róast og spyr hvort faðir sinn hafi verið ófreskja, eins og margir segi. „Hann var ekki alltaf ófreskja,“ segir Adríana. „Hann var bara lítilmenni. Hann hefði aldrei komist í hóp bestu manna, en hann þurfti ekki heldur að verða einn af þeim verstu.“ Tilraun til hefndar Refka kemur og hefur fréttir að færa. Tsargo er kominn aftur og býr í húsi foreldra sinna. „Ég ætla að drepa ófreskjuna!“ hrópar Yonas og æðir út. Refka spyr Adríönu af hverju hún fari ekki á eftir honum og reyni að stöðva hann. Adríana stendur kyrr og segir: „Ef honum er ætlað að drepa hann þá drepur hann hann.“ Næsta atriði gerist fyrir utan hús Tsargos. Tsargo stendur þar fyrir utan og snýr baki í áhorfendur, hann er orðinn gamall. Yonas kemur með vopn í hendi, hann ásakar föður sinn og hótar að drepa hann. Þegar Tsargo snýr sér við sér Yonas að hann er blindur. Tsargo segist hafa misst sjónina fyrir tveimur árum. Hann réttir út höndina og reynir að snerta Yonas sem hörfar í hryllingi og hleypur svo burt. Móðir og sonur Yonas kemur heim til Adríönu. „Fyrirgefðu mér, móðir mín,“ segir hann, „ég sveik þig. Ófreskjan stóð frammi fyrir mér, ég ætlaði að láta hann gjalda fyrir glæpi sína, en ég gat það ekki. Hann er orðinn blindur.“ „Ef hann væri ekki blindur, hefðirðu þá getað drepið hann?“ spyr Adríana. „Ég veit það ekki,“ segir Yonas. „Þessi maður átti skilið að deyja,“ segir Adríana. „Ég veit það, móðir mín, fyrirgefðu mér,“ segir Yonas. Adríana endurtekur: „Þessi maður átti skilið að deyja.“ Svo segir hún: „En þú áttir ekki skilið að verða morðingi, sonur minn. Alveg frá því að þú fæddist hef ég velt því fyrir mér hvort þú yrðir einhvern tíma fær um að drepa. Ef þú hefðir í raun og veru verið sonur þessa manns hefðirðu drepið hann. Spurningu minni hefur loks verið svarað. Ég hef fundið aftur líf mitt sem ég hélt að væri glatað. Við höfum ekki fengið hefnd, en við erum hólpin.“ Yonas tekur utan um móður sína og þannig lýkur óperunni. Flytjendur á sýningu Rómaróperunnar 14. október 2025 Adríana: Fleur Barron. Refka: Axelle Fanyo Tsargo: Christopher Purves. Yonas: Nicolas Phan. Kór Rómaróperunnar, kórstjóri: Ciro Visco. Hljómsveit Rómaróperunnar; Ernest Martínez Izquierdo stjórnar. Óperan „Adriana Mater“ verður flutt á rás 1 á Óperukvöld útvarpsins, fim. 12. febrúar kl. 19.00.

„Þetta er allt annað dæmi“

„Þetta er allt annað dæmi“

„Þetta er mjög stór áskorun,“ segir Agla María Albertsdóttir, fyrirliði Breiðabliks í fótbolta. Blikar spila í kvöld við Svíþjóðarmeistara Häcken í 8-liða úrslitum Evrópubikarsins, með gjörbreytt lið og nýjan þjálfara frá sigrinum frækna gegn dönsku meisturunum í Fortuna Hjörring í 16-liða úrslitum.

Svona verður meistari meistaranna

Svona verður meistari meistaranna

Leikdagar í bæði Meistarakeppni KSÍ karla og kvenna hafa verið ákveðnir. Meistarakeppni karla fer fram sunnudaginn 29. mars þar sem Íslandsmeistarar Víkingings og bikarmeistarar Vestra mætast. Leikurinn fer fram á Víkingsvelli kl. 14:00. Meistarakeppni kvenna fer fram þriðjudaginn 31. mars þar sem Íslands- og bikarmeistarar Breiðabliks og FH mætast. Leikurinn fer fram á Kópavogsvelli og Lesa meira

Fór í hart vegna áforma um meðferðarheimili fyrir drengi í vanda

Fór í hart vegna áforma um meðferðarheimili fyrir drengi í vanda

Úrskurðarnefnd umhverfis- og auðlindamála hefur hafnað kröfu íbúa í nágrenni Miðgarðs í Gunnarsholti í Rangárþingi ytra um að leyfi fyrir framkvæmdum á húsnæðinu verði fellt úr gildi. Til stendur að opna í húsinu meðferðarheimili fyrir drengi á unglingsaldri sem glíma við margs konar vanda. Vildi hinni ósátti íbúi meðal annars meina að öryggi á svæðinu Lesa meira