Gert er ráð fyrir að fyrstu skref í að draga úr verðtryggingu á lánamarkaði eigi sér stað um næstu áramót. Kristrún Frostadóttir forsætisráðherra segir að þó að þær tillögur séu enn ekki fullmótaðar komi til greina að ræða þær á næsta fundi Þjóðhagsráðs.
Emmanuel Macron Frakklandsforseti hvetur þjóðir Evrópu til aukinna fjárfestinga í mikilvægum atvinnugreinum. Annars eigi þær á hættu á að vera „ýtt til hliðar” í ljósi samkeppni frá Bandaríkjunum og Kína.
Donald Trump Bandaríkjaforseti hefur hótað því að koma í veg fyrir opnun nýrrar brúar á milli Bandaríkjanna og Kanada, nema að „Bandaríkin fái bætt allt sem við höfum gefið þeim, og það sem meira er, að Kanada komi fram við Bandaríkin af þeirri sanngirni og með þeirri virðingu sem við verðskuldum“, eins og hann orðaði það.
Starfsmenn á vegum Vegagerðarinnar vinna að því að moka snjó á Fjarðarheiði eftir að veginum var lokað í kringum miðnætti vegna ófærðar og veðurs. Ökumenn höfðu fest bíla sína á heiðinni þar sem aðstæður til aksturs voru erfiðar. Hálka eða hálkublettir eru víða á vegum. Snjóþekja eða éljagangur er á Öxnadalsheiði og Almenningum og á Norðausturlandi er snjóþekja á nokkrum leiðum, svo sem á Hófaskarði, á Hólaheiði og Brekknaheiði. Nokkuð er um krapa á Fagradal, Hlíðarvegi og víðar á Austurlandi. Ófært er á Vatnsskarði eystra, Öxl og Breiðdalsheiði.
Vegurinn um Fjarðarheiði hefur verið lokaður frá því í kringum miðnætti vegna ófærðar og slæms veðurs. Ökumenn höfðu fest bíla sína á heiðinni þar sem aðstæður til aksturs voru erfiðar. Starfsmenn á vegum Vegagerðarinnar hófu snjómokstur í morgun en ákveðið hefur verið að bíða átekta til hádegis þegar dregur úr veðri. Hálka eða hálkublettir eru víða á vegum. Snjóþekja eða éljagangur er á Öxnadalsheiði og Almenningum og á Norðausturlandi er snjóþekja á nokkrum leiðum, svo sem á Hófaskarði, á Hólaheiði og Brekknaheiði. Nokkuð er um krapa á Fagradal, Hlíðarvegi og víðar á Austurlandi. Ófært er á Vatnsskarði eystra, Öxi og Breiðdalsheiði. Fréttir var uppfærð 10:47 með nýjum upplýsingum um Fjarðarheiði.
Veðurstofan gerir ráð fyrir norðaustan tíu til átján metrum á sekúndu í dag þar sem hvassast verður á Vestfjörðum og við suðurströndina.
30 ára karlmaður spyr: „Getur það verið „hagstætt“ að taka bílalán fyrir rafmagnsbíl?“
„Við vorum svo dugleg að ræða þetta allt fyrir fram,“ segir Rannveig Rist forstjóri Rio Tinto álversins í Straumsvík og gefur okkur um leið innblástur fyrir það hvernig ungt fólk getur mætt þriðju vaktinni svokallaðri; með markvissum samskiptum um hver á að gera hvað, hverjum finnst skemmtilegast að gera hvað og hver er bestur í hverju.
„Við vorum svo dugleg að ræða þetta allt fyrir fram,“ segir Rannveig Rist forstjóri Rio Tinto álversins í Straumsvík og gefur okkur um leið innblástur fyrir það hvernig ungt fólk getur mætt þriðju vaktinni svokallaðri; með markvissum samskiptum um hver á að gera hvað, hverjum finnst skemmtilegast að gera hvað og hver er bestur í hverju.
Forseti Alþjóða skíða- og snjóbrettasambandsins er á því að ákvörðun um þátttöku á mótum eins og Vetrarólympíuleikunum, þegar meiðsli hafi gert vart um sig í aðdraganda móts, eigi að liggja hjá íþróttafólkinu sjálfu. Mikil umræða hefur sprottið upp eftir mál Lindsey Vonn sem einnig er hægt að tengja við mál skíðakonunnar Hólmfríðar Dóru Friðgeirsdóttur hér heima.
Ekki hugmynd er gamanleikur úr smiðju Gaflaraleikhússins sem fjallar um tilvistarkreppu þriggja einstaklinga á þrítugsaldri. Fjármál, íbúðarkaup, ástardrama og endalaus valkvíði er það sem er þremenningunum efst í huga. Þetta er ágætlega fyndið og skemmtilegt uppistand en aðeins miðlungsgott leikrit.
Mikil umræða hefur verið um símanotkun grunnskólabarna víða um heim. Umræðan snýst að einhverji leyti um samfélagsmiðla sem eru hannaðir þannig að flestir verða mjög háðir þeim.
Nýliðinn janúar andaði heldur kaldar í andlit Evrópumanna en vanalegt er og reyndist kaldasti janúarmánuður frá því árið 2010, þegar upp var staðið, samkvæmt nýrri skýrslu Kóperníkusar, loftslagsstofnunar Evrópu. Í álfunni var að meðaltali 2,34 gráðu frost og 0,28 gráðum kaldara en í janúar í fyrra sem var sá heitasti frá upphafi mælinga. Stofnunin segir miklar veðuröfgar hafa einkennt mánuðinn; á meðan óvenjukalt var á norðurhveli jarðar geisaði hitabylgja í suðrinu. Þrátt fyrir þetta er nýliðinn janúar sá fimmti heitasti meðal bræðra sinna frá því mælingar hófust. Meðalhitastigið á jörðinni var 12,95 gráður eða 0,51 gráðu hærra en meðaltal áranna 1991 til 2000 og 1,47 gráðum hærra en á seinni hluta 19. aldar. Það er hársbreidd innan við markmið Parísarsáttmálans. Meðalhitinn á Íslandi í janúar var um eða yfir meðallagi síðustu ára í flestum landshlutum, nema á Norður- og Norðvesturlandi. Mánuðurinn var óvenjuþurr, hægviðrasamur og bjartur og snjór með minnsta móti.
María Heimisdóttir var skipuð landlæknir snemma á síðasta ári en í lok október greindist hún með brjóstakrabbamein. „Það er auðvitað aldrei óskastaðan að fá krabbamein en þetta var svolítið skrítið að vera svona nýbyrjuð í þessu starfi,“ segir María við Sigríði Halldórsdóttur í Kastljósi. Fyrir fáeinum dögum fór hún á klippistofu og lét raka af sér hárið. Þótt það reyni kannski svolítið á segir hún að það sé tollur sem hún greiði til þess að ná heilsu. Lítið atriði en skiptir samt máli að hafa einhverja stjórn María segist alltaf hafa hlýtt kallinu um krabbameinsskimun og brýnir fyrir öðrum að gera slíkt hið sama. „Þetta er auðvitað eitt það mikilvægasta sem fólk getur gert fyrir heilsuna, það er að fara í þá skimun sem er í boði og jafnframt að sinna sjálfsskoðun eftir því sem við á.“ „Það var þannig sem ég fann mitt krabbamein, við sjálfsskoðun á brjósti.“ Eftir það tók við greining hjá brjóstamiðstöðinni á Landspítalanum, þá skurðaðgerð og nú er hún í lyfjameðferð. Í þeim aðstæðum missa flestir hárið og Maríu var ekki sama hvernig það bæri að. „Mér fannst mikilvægt að hafa einhverja stjórn á því. Ekki að hárið væri að detta smátt og smátt heldur að ég gæti sjálf ákveðið að nú ætla ég ekki lengur að vera með sítt hár, nú ætla ég að vera með stutt hár.“ Hún segir að í því ferli að vera veikur sé svo margt sem maður hafi ekki stjórn á. Þá sé mikilvægt að reyna að hafa stjórn á því sem hægt er. „Eins og til dæmis að vera með sítt eða stutt hár.“ „Þó að það sé lítið atriði, þá er það samt eitthvað sem getur skipt máli. Þannig að já, ég lét bara snoða mig. Svo er þetta litla hár sem eftir er, það er að fara líka og það er bara hluti af ferlinu. Þetta er í rauninni tollurinn sem við greiðum til þess að ná betri heilsu og láta okkur batna, læknast.“ María segist einu sinni hafa verið með svo stutt hár áður. Það var þegar hún var 19 ára á reisu um Evrópu. Þá þótti henni sniðugt að geta þvegið hárið með þvottapoka. Lokkana ákvað hún að geyma og fara með til konu sem gerir úr þeim hárkollur fyrir þá sem á þurfa að halda. Upplifði öryggi í höndum heilbrigðisstarfsfólks María segir það fyrst og fremst hafa verið óskaplega lærdómsríkt að fara frá því að vera yfir kerfinu í að þurfa á því að halda og treysta á það. „Ég held að þessi reynsla eigi eftir að nýtast mér mjög vel í starfi.“ Hún segist hafa mætt hlýju og mennsku í heilbrigðiskerfinu og upplifað öryggi yfir fumlausum handbrögðum heilbrigðisstarfsfólks. „Það er ekkert fum og fát. Maður hugsar bara: Já, heyrðu. Þetta er bara ekkert mál.“ Mikilvægt að fylgjast vel með breytingum á eigin líkama „Mér er sagt að heildarferlið taki kannski níu mánuði sem myndi þá þýða að ég gæti komið aftur til vinnu í lok sumars, ef allt gengur samkvæmt áætlun.“ Hún leggur áherslu á mikilvægi þess að huga að heilsunni og trassa hvorki skimun né sjálfsskoðun. „Það er auðvitað mikilvægt almennt séð að fylgjast vel með breytingum á eigin heilsu, fylgjast vel með breytingum á eigin líkama og sækja sér upplýsingar og ráð, hvað ber að gera ef þú verður vör við eitthvað óvanalegt,“ segir hún. Það sé mikilvægt að geyma það ekki. „Ef þú tekur eftir einhverri breytingu sem þarf að skoða, að drífa þá í að gera það.“ Maríu Heimisdóttur finnst mikilvægt að hafa einhverja stjórn í baráttunni við krabbamein. Hún vildi ákveða sjálf hvenær hún missti hárið og hvernig. Hún hvetur fólk að fylgjast með eigin heilsu og trassa ekki skimanir. Rætt var við Maríu Heimisdóttur í Kastljósi. Viðtalið er í spilaranum hér fyrir ofan.
Úrskurðarnefnd í vátryggingamálum hefur komist að þeirri niðurstöðu að kona eigi ekki rétt á bótum úr sjúklingatryggingu læknis. Konan gekkst undir brjóstaminnkun hjá lækninum en í kjölfarið þurfti að fjarlægja aðra geirvörtu hennar. Fram kemur í úrskurði nefndarinnar að konan hafi farið í brjóstaminnkunaraðgerð hjá lækninum árið 2024. Eftir vöknun hafi brátt komið í ljós Lesa meira
Liverpool er sagt opið fyrir því að selja ítalska sóknarmanninn Federico Chiesa og hefur sett verðmiða á hann í kringum 25 til 30 milljónir evra. Chiesa, sem er 28 ára, hefur verið orðaður við brottför frá Anfield og nokkur ítölsk stórlið fylgjast með stöðu mála. Samkvæmt fréttum eru Juventus, Napoli og Roma meðal þeirra félaga Lesa meira
Mbl 
Vísir 
Fréttastofa RÚV 
DV