Ólympíugull og bónorð á sömu Ólympíuleikum
Þetta verða heldur betur eftirminnilegir Ólympíuleikar fyrir bandarísku alpaskíðakonuna Breezy Johnson.
Vísir 
Egill ósáttur við Höllu – „Hví ávarpar forseti Íslands frjálshyggjuhalleljúasamkomu?“
Egill Helgason fjölmiðlamaður gagnrýnir harðlega að Halla Tómasdóttir forseti Íslands hafi ávarpað þing Viðskiptaráðs sem fram fór í gær. Er Egill verulega ósáttur við boðskap ráðsins. Egill skrifar í pistli á Facebook: „Hví ávarpar forseti Íslands frjálshyggjuhalleljúasamkomu þar sem helsta áherslan er lögð á hversu vont er nú að reyna að hafa hemil á framrás Lesa meira
DV Borgin selur Toppstöðina
Kaupsamningur Toppstöðvarinnar ehf. við Reykjavíkurborg um kaup á Toppstöðinni í Elliðaárdal var samþykktur á fundi borgarstjórnar í gær. Kauptilboð félagsins hljóðaði upp á 420 milljónir króna en var bundið við verðlagsvísitölu. Það greiðir því 440 milljónir fyrir húsið nú þegar fjármögnun er lokið. Þegar samið var um söluna tilkynnti Reykjavíkurborg að þar ætti að rísa miðstöð útivistar sem gæti hýst jaðargreinar og aðra starfsemi sem gæti stutt við eflingu útivistar og tómstunda í Elliðaárdal. Meðal kvaða sem er að finna í kaupsamningnum er forkaupsréttur Reykjavíkurborgar að eigninni og bann við þinglýsingu leigusamninga sem eru í andstöðu við lýðheilsustefnu Reykjavíkurborgar. Kaupandinn verður að afla allra leyfa fyrir framkvæmdum á eigninni og þar á meðal frá Fiskistofu vegna ákvæða í lögum um lax- og silungsveiði.
Fréttastofa RÚV 
Guardiola segir þennan leikmann ómissandi fyrir City
Pep Guardiola, stjóri Manchester City, segir ekki hægt að fylla skarð Bernardo Silva þegar hann er ekki með liðinu. Silva er 31 árs og algjör lykilmaður fyrir City. Hann verður hins vegar samningslaus í sumar og var spænski stjórinn því spurður út í hann. „Það er ekki hægt að fylla skarð Bernardo. Þegar hann er Lesa meira
Köldu heimskautalofti enn beint til landsins
Hæð yfir Grænlandi og lægðasvæði við Noreg beina enn köldu heimskautalofti til landsins. Áttin er því norðlæg eða breytileg en vindur verður þó ekki tiltakanlega mikill í dag, þar sem víða má reikna með golu eða kalda.
Glæpamenn í fjarvinnu
Það hefur verið ótrúlega gaman að fylgjast með þróun atvinnulífsins síðustu misseri þar sem tæknin er svo sannarlega að opna margar nýjar dyr.
Englendingar óttast að Tuchel endi eins og Capello
Englendingar vona að sagan endurtaki sig ekki eftir að landsliðsþjálfarinn Thomas Tuchel skrifaði í gær undir samning við enska knattspyrnusambandið sem gildir fram yfir EM 2028.
Er verið að eyðileggja laxveiðiár landsins?
Fyrir nokkrum dögum síðan kom í ljós skýrsla sem gerð var í kjölfar erfðarannsóknar Matís á löxum í Laxá í Aðaldal. Niðurstöður skýrslunnar ættu að opna augun hjá þeim sem er annt um náttúru Íslands og þá laxastofna sem hér eru en mögulega er smátt og smátt búið að vera að eyðileggja laxveiðiár á Íslandi síðustu áratugi með seiðasleppingum.
Jóhann Páll Jóhannsson: Orkuöflun komin af stað eftir sjö ára bið – forgangur almennings til orku lögfestur
Ríkisstjórnin hefur hrint í framkvæmd málum sem síðasta ríkisstjórn var með á sinni málaskrá en strönduðu inni í ríkisstjórninni sjálfri. Meðal þess sem gert hefur verið er að tryggja með löggjöf að almenningur njóti forgangs að orku ef grípa þarf til skömmtunar. Raunverulega hætta er á því að skammta þurfi orku vegna þess að engin Lesa meira
Lokar hringnum eftir tíu ár erlendis
Matthea Lára Pedersen er úr mikilli listafjölskyldu og hefur starfað víða um Evrópu sem atvinnudansari síðan hún var nítján ára. Garðurinn með Íslenska dansflokknum er hennar fyrsta sýning á Íslandi. Samhliða dansferlinum hefur hún verið í sambandi með fótboltamanninum Kolbeini Finnssyni en milli þeirra ríkir mikill skilningur vegna flakks beggja. Matthea heldur framtíðinni opinni svo lengi sem hægt er að púsla dansinum saman við lífið.
Barist um framtíð Framsóknarflokksins
Það ræðst á sunnudaginn hvort það verður Ingibjörg Isaksen eða Lilja Dögg Alfreðsdóttir sem fær það verkefni að reisa Framsóknarflokkinn upp úr dýpstu krísu sem flokkurinn hefur lent í. Lilja þykir sigurstranglegri en viðmælendur innan flokksins segja að Ingibjörg hafi sótt mjög í sig veðrið á síðustu dögum. Úrslitin ráðast á því hverjir mæta á flokksþingið sem hefst á Hilton hóteli í Reykjavík á morgun. Flokksþingið verður líka svanasöngur Sigurðar Inga Jóhannssonar á formannsstóli. Hann hefur leitt flokkinn í tíu ár og þótt hann hafi almennt þótt farsæll og almennt óumdeildur formaður, þar til undir það síðasta, skilur hann við flokkinn í djúpum dal. Framsókn fékk einungis 7,8 prósent atkvæða í síðustu alþingiskosningum og fimm menn kjörna. Það er versti árangur í sögu flokksins. Flokksmenn ákveða um helgina hvor frambjóðandinn getur snúið taflinu við. Hefð fyrir dramatík og uppákomum Formannsframboði fylgja alltaf átök á milli fylkinga og formannsslagurinn í ár er engin undantekning, eins og vikið er að neðar. Síðustu formannsslagir Framsóknar voru heldur betur eftirminnilegir, þó á ólíkan hátt. Árið 2009 kepptu Höskuldur Þórhallsson, Páll Magnússon og Sigmundur Davíð Gunnlaugsson um formannsstólinn. Páll heltist úr lestinni eftir fyrstu umferð kjörsins og þegar búið var að telja upp úr kjörkössunum í síðari umferðinni lýsti Haukur Ingibergsson, formaður kjörstjórnar, Höskuld réttkjörinn formann Framsóknar. Í þann mund sem Höskuldur var að fara að flytja sigurræðu sína var honum snúið við og gert var stutt hlé á fundinum. Því næst kom Haukur aftur upp í pontu og lýsti Sigmund Davíð réttkjörinn formann. Lilja Alfreðsdóttir er almennt talin sigurstranglegri í formannskjöri Framsóknarflokksins um helgina. Framsóknarmenn eru þó á því að slagurinn verði jafnari en útlit var fyrir. Sigmundur Davíð vann glæsilegan kosningasigur í þingkosningunum 2014 og leiddi ríkisstjórn með Sjálfstæðisflokknum þar til Wintris-málið dúkkaði upp. Það varð til þess að Sigmundur Davíð vék úr stóli forsætisráðherra og þingkosningum var flýtt til haustsins 2016. Sigmundur Davíð hélt formannsstólnum en ólgan í flokknum kraumaði og ákvað Sigurður Ingi, þá orðinn forsætisráðherra, að skora formann sinn á hólm á flokksþingi í október. Þar hafði Sigurður Ingi betur, með aðeins 40 atkvæðum. Hinn fallni formaður rauk á dyr, sagði sig úr flokknum og stofnaði Miðflokkinn. Þótt Framsókn hafi unnið góðan sigur í þingkosningunum 2021 má færa fyrir því rök að flokkurinn hafi aldrei jafnað sig eftir klofninginn 2016 þar sem fjölmargir rótgrónir Framsóknarmenn fylgdu Sigmundi Davíð yfir í Miðflokkinn. Barnaleikur miðað við 2016 Það hefur vissulega verið tekist á í slag Ingibjargar og Lilju og hefur eitt og annað ratað upp á yfirborðið. Framsóknarfélag Akureyrar kærði umtalað „búbbluteiti“ á vegum Kvenna í Framsókn þar sem aðalgestur kvöldsins var Lilja Alfreðsdóttir. Þótti stuðningsmönnum Ingibjargar óeðlilegt að félag innan Framsóknar dragi augljóslega taum annars frambjóðandands svo skömmu fyrir flokksþing. Þá hafa borist allnokkrar kærur vegna þess hvernig staðið var að vali á flokksþingsfulltrúum á þingið. Að baki liggur nokkuð flókið ferli. Tæplega 300 miðstjórnarmenn fá sjálfkrafa atkvæðisrétt á flokksþingi og svo eru það framsóknarfélögin um allt land sem senda fulltrúa með atkvæðisrétt á þingið. Þar eru á sjötta hundrað atkvæði í boði. Frambjóðendurnir hafa háð harða baráttu um þessa fulltrúa og þykir stuðningsmönnum Ingibjargar að framboð Lilju hafi farið fullhart og jafnvel ódrengilega fram um að verða sér úti um þessi atkvæði. Eða í það minnsta tryggja að stuðningsmenn Ingibjargar komist ekki að. Hafa rótgrónir Framsóknarmenn vaknað upp við þann vonda draum að eiga ekki atkvæðarétt á þinginu á meðan fólk með lítil sem engin tengsl við flokkinn sæki þingið með kjörbréf í vasanum. Þótt oft falli þung orð í hita leiksins eru viðmælendur fréttastofu flestir sammála um að slagur Lilju og Ingibjargar sé frekar í lágstemmdari kantinum. „Þetta er barnaleikur miðað við flokksþingið 2016,“ eins og einn orðaði það. Kærurnar sem minnst var á að ofan hafa ekki orðið til neinna aðgerða þannig að starfað var innan ramma laganna þótt deila megi um hversu mikið samvinnuhugsjónin hefur verið höfð að leiðarljósi. Dýr pakki gæti gert útslagið „Það fer eftir því hverjir mæta,” voru svör flestra viðmælenda þegar þeir voru beðnir um að spá í úrslitin. Um 850 eru á kjörskrá en framboðin telja að það þurfi 350 til 400 atkvæði til að vinna. Hvert einasta atkvæði skiptir máli og það vita báðir frambjóðendur sem hafa eytt síðustu dögunum í símanum. Flestir eru á því að Lilja sé almennt sigurstranglegri en að dregið hafi mjög saman á allra síðustu dögum. Lilja hefur verið duglegri að smala og býr að því að hafa lengi undirbúið formannsframboð. Lilja á vísan stuðning á suðvesturhorninu – í Reykjavíkurkjördæmunum tveimur og Kraganum. Hún fékk afdráttarlausa áskorun um formannsframboð frá Willum Þór Þórssyni sem hefur mikla vigt innan flokksins og var af mörgum talinn álitlegasti kosturinn. Bandalög vega þungt þótt einhverjir hafi nefnt að svo afgerandi stuðningsyfirlýsing hafi farið öfugt ofan í einhverja. Ingibjörg á öfluga stuðningsmenn í Eyjafirði og á Suðurlandi, kjördæmi fráfarandi formanns. Önnur kjördæmi skipast á milli fylkinga og því gæti það ráðið úrslitum hverjir leggja leið sína á þingið. Þar eru alls konar breytur. Þannig er alls ekkert víst að fulltrúar í liði Lilju sem notaðir voru til að valda fulltrúa Ingibjargar skili sér á kjörstað. Verðið gæti sömuleiðis haft áhrif. Margir hafa nefnt að það sé mikill pakki, einkum fyrir framsóknarmenn af landsbyggðinni, að sækja þingið. Aðgangurinn kostar 15 þúsund krónur og svo þarf fólk að verða sér úti um gistingu sem kostar á bilinu 25-35 þúsund krónur nóttin. Dræmari aðsókn af landsbyggðinni yrði klárlega Lilju í hag en á móti kemur að veðurspáin er með ágætum. Kosið um persónur og gegn Það er ekki mikill munur á stefnu Lilju og Ingibjargar. Samhljómur þeirra kom glögglega í ljós í kappræðum ungra Framsóknarmanna í fyrrakvöld. Lilja hefur djúpa þekkingu á efnahags- og utanríkismálum og hefur óhikað flaggað því í kosningabaráttunni. Á sama tíma er Ingibjörg sögð vera í betri tengslum við raunhagkerfið og hefur verið talsmaður flokksins í heilbrigðis- og menntamálum. Flokksmenn eru fyrst og fremst að kjósa persónur. Sumir jafnvel að kjósa gegn þeirri persónu sem þeir vilja ekki sjá sem formann. Einhverjir óttast að Lilja komi til með að færa flokkinn lengra til hægri og nær Miðflokknum en sjálf aftekur hún það með öllu og segist ætla að reka harða miðjustefnu. Þar séu tækifærin og nærtækt að líta til Sjálfstæðisflokksins sem hefur elt Miðflokkinn til hægri með litlum og raunar neikvæðum árangri. Málflutningur Framsóknarflokksins í stjórnarandstöðu hefur enda verið töluvert frábrugðinn hinum stjórnarandstöðuflokkunum. Hann hefur ekki rekið jafn harða stjórnarandstöðu og verið opnari fyrir málamiðlunum en Sjálfstæðisflokkur og Miðflokkur. Ólíklegt er að það breytist við formannsskiptin. Þræta fyrir að vera í forystu Ofangreindar kappræður ungra Framsóknarmanna drógu ekki fram skoðanaágreining en áhugaverðasti kaflinn birtist í afneitunum bæði Lilju og Ingibjargar á að tilheyra forystu Framsóknar þegar talið barst að ábyrgð á dræmu gengi flokksins. Ingibjörg minnti á að Lilja hafi verið varaformaður frá árinu í áratug, setið í ríkisstjórn í átta ár og frá því hún hafi dottið út af þingi í hitteðfyrra hafi hún aðeins setið einn þingflokksfund þótt hún í krafti stöðu sinnar hafi rétt til að sitja þá. Ingibjörg segist í samtölum við grasrótina fundið fyrir ákalli um breytingar í forystunni og hún sé fulltrúi breytinga. Á móti benti Lilja á að Ingibjörg hafi verið þingflokksformaður í fimm ár og hefði því mikið að segja um málflutning Framsóknar út á við. Vandinn að vera utan þings Eftirleikurinn er ekki síður áhugaverður en sjálf úrslitin. Gengur flokkurinn samhentur af flokksþingi eða skilur baráttan eftir sig gjá milli fylkinga? Auðvelt er að horfa til Sjálfstæðisflokksins sem engan veginn hefur náð vopnum sínum eftir formannskjörið og lítill samhljómur er innan þingflokksins. Það er ekki sjálfgefið að Lilja nái taki á þingflokknum þótt hún verði formaður. Það getur reynst erfitt að stýra flokknum af hliðarlínunni og hafa ekki aðgengi að þingsal, sérstaklega þegar þingflokkurinn er ekki allur í þínu bandi. Sjálf hefur Lilja gert lítið úr þessu, hún geti eftir sem áður setið þingflokksfundi og utan þings geti hún einbeitt sér að því að byggja upp flokkinn og tekið virkari þátt í sveitarstjórnarkosningum. Sjálfur þingflokkurinn verður veikari þar sem flokkurinn kemur til með að missa starfsmann. Samkvæmt þingsköpum hefur „formaður flokks sem situr á Alþingi“ rétt til að ráða sér aðstoðarmann en það á ekki við um Lilju. Birkir Jón Jónsson hefur aðstoðað Sigurð Inga en lætur af störfum um leið og Sigurður Ingi hættir sem formaður. Það getur munað um minna í litlum þingflokki þótt smáatriði sem þetta komi ekki til með að ráða úrslitum. Framsóknarmenn eru þó almennt á því að vopnin verði lögð niður. „Það skiptir máli hvað gerist á mánudaginn,“ sagði einn Framsóknarmaðurinn. Flokksmenn verði einfaldlega að snúa bökum saman enda stutt í kosningar. Þess utan sé aldrei að vita hvenær næstu alþingiskosningar verða. Óvænt mótframboð í varaformanninn? Það hefur ekki farið hátt en það er einnig verið að kjósa um eftirmann Lilju í embætti varaformanns. Enn sem komið er hefur aðeins einn lýst yfir áhuga, Stefán Vagn Stefánsson þingmaður úr Norðvesturkjördæmi. Hægt er að bjóða sig fram að kosningu og því ekki útilokað að einhver bjóði sig fram á lokasprettinum. Stefán Vagn hefur engu að síður háð kosningabaráttu og ferðast um landið til að kynna sig og sínar áherslur. Talað hefur verið um að nauðsynlegt sé að rödd sveitarstjórnarmanna fái rödd í forystunni, ekki síst þegar kosningar til sveitarstjórna eru handan við hornið. En kosningarnar geta líka virkað öfugt því það er áhætta fólgin í því að fara inn í kosningar með tap í varaformannsslag á bakinu. Sigmar Vilhjálmsson athafnamaður var orðaður við framboð en er sagður hafa ákveðið að taka ekki slaginn og nafn Valdimars Víðissonar, bæjarstjóra í Hafnarfirði, hefur einnig verið nefnt. Ólíklegt er að Lilja Rannveig Sigurgeirsdóttir fái mótframboð í embætti ritara enda ekki liðið nema hálft ár síðan hún fékk kosningu í það embætti.
Viðurkenning að einhver standi á sviði og segi sögu sem þú tengir við
„Við erum svolítið að vinna með okkar reynslu, að vera manneskja,“ segir Þórdís Nadia Semichat sem leikur í sýningunni Þegar ég sé þig, sé ég mig á nýja sviði Borgarleikhússins. Leikhópurinn samanstendur af leikurum og listafólki sem flest eiga það sameiginlegt að vera af blönduðum uppruna. Þau segja sögur sínar af tengingu, fordómum, samstöðu og því sem kallað hefur verið öðrun, þegar komið er fram við fólk úr jaðarsettum hópum sem frávik. Verkið er eftir Ernu Kanemu Mashinkila og er unnið í samstarfi við leikhópinn. Rætt var við Nadiu og Töru Sóleyju Mobee í Mannlega þættinum á Rás 1. Viðfangsefni sýningarinnar eru af ýmsum toga. Tara nefnir hversdaginn, sveitalífið, upprunann, hárið, fordóma og lífið. „Við erum sex á sviðinu og við erum öll mjög ólík. Tara talar til dæmis svolítið um íslensku sveitina og svo eru aðrir að velta einhverju öðru fyrir sér,“ segir Nadia. Sjálf velti hún fyrir sér minningum sem erfast í gegnum kynslóðirnar og segir frá því þegar hún fór til Túnis að leita ömmu sinnar. Þurfti að finna leið til að segja söguna án þess að gráta Faðir Nadiu er frá Túnis en þrátt fyrir að hafa heimsótt landið hafði hún aldrei hitt ömmu sína. Hún var stödd úti í starfsnámi, 27 ára, þegar hún ákvað að leita að henni. „Það tók alveg þrjár tilraunir að finna hana.“ Hún átti ekki síma og bjó í hverfi þar sem götu- og húsnúmer voru óljós. „Ég var bara mjög heppin að finna hana. Hún hafði ekki hugmynd um að ég væri að koma.“ Nadia segir það hafa tekið á að rifja þetta upp aftur og aftur til að geta sagt hana á sviði. „Tara getur vottað fyrir það að á fyrstu æfingunum þegar ég er að draga þetta inn í ferlið, þessa sögu, þá gat ég eiginlega ekki lesið hana án þess að fara að gráta. Ég gat ekki einu sinni byrjað söguna. Ég fór bara að gráta.“ „Svo þurfti ég að þróa með mér að geta sagt frá því þannig að fólk myndi skilja hvað ég væri að segja, svo ég væri ekki með ekkasogin, og dramatísera söguna.“ Ólst upp við að eiga heima en tilheyra samt ekki Tara fer með draumórakennda útgáfu af sögu sinni um tengsl við sveitalífið og íslenska náttúru. „Ég hef alltaf tengt við sveitina en fékk kannski ekki alltaf tækifæri til þess að vera séð. þannig. Þegar ég er lítil og er að alast upp þá er maður smá eins og aðskotahlutur,“ segir hún. „Maður á heima þarna og tilheyrir samt ekki.“ Í sýningunni flytur hún lag eftir sjálfa sig sem heitir Hafmeyja og fjallar um að hafa aðgang að tveimur menningarheimum, tengjast þeim en tilheyra þeim samt ekki fyllilega og þurfa að búa til sinn eigin heim. Það sé oft og tíðum einmanalegt að þurfa þess þó að hún geti líka fundið fegurð í því. Eru ekki að ásaka neinn heldur setja í samhengi Leikararnir og listafólkið á það flest sameiginlegt að vera af blönduðum uppruna. Í sýningunni skoða þau hvernig var að alast upp á Íslandi og vera áþreifanlega minnt á að þau séu öðruvísi. „Það kannski kemur á mismunandi forsendum. Það er ekki endilega af því að fólk ætlast til þess að við séum það ekki heldur bara af því að fólk gerir ráð fyrir því ósjálfrátt, út frá menningu og samfélagi,“ segir Tara. „Þetta er áhugavert og ég held að sýningin komi svolítið vel inn á það. Það er ekki verið að ásaka neinn, þetta eru pælingar og hugsanir frá sjónarhornum sem kannski ekki allir hafa upplifað. Aðrir hafa upplifað það en kannski ekki séð þetta sett fram svona.“ Í umfjöllun Morgunblaðsins um sýninguna segir að verkið sé kyrrlátt og kærleiksríkt. Þar sé einungis verið að draga fram áhugaverðar sögur án átaka. „Ég held að það sé einmitt það, eins og titillinn segir: Þegar ég sé þig, sé ég mig. Að þetta fái að vera þannig að við sjáumst, að við sjáum aðra.“ Tara segir það hafa verið áhrifamikið að ræða við áhorfendur eftir sýningar, bæði fólk af íslenskum og erlendum uppruna, sem tengir við ýmsa hluti í sýningunni á ólíkan hátt. „Það er svo fallegt að sjá og setur þetta svo mikið í samhengi. Í rauninni erum við öll að lifa lífinu og gera okkar besta, hér til að vera og vera til.“ Hefði aldrei getað ímyndað sér að standa á sviði Borgarleikhússins á hennar aldri Leikhópurinn er á fjölbreyttum aldri og Nadia nefnir að einn leikarinn, Sedley Francis, hafi flutt hingað til lands frá Englandi en sé einnig ættaður frá Jamaíku. Reynsla hans af Íslandi er allt önnur en þeirra sem ólust hér upp. „Honum finnst skrítið þegar við tölum um fordóma því honum finnst allir svo næs.“ „Ég hef líka allt aðra upplifun en Viktoría Dalitso sem er yngst í sýningunni. Hún er bara þrettán ára og hún er frábær og svo mikil fyrirmynd, ótrúlega góð leikkona,“ segir Nadia um ungu stúlkuna sem lék til að mynda Fíusól í söngleik Borgarleikhússins Fíasól gefst aldrei upp. „Fyrir henni þá bara bíður heimurinn eftir henni.“ „Þegar ég var á hennar aldri þá hefði ég aldrei ímyndað mér að ég gæti fengið hlutverk í einhverju leikriti í Borgarleikhúsinu á þeim aldri sem hún er. Hennar upplifun er til dæmis öðruvísi en mín.“ Veit ekki hvort fordómarnir séu orðnir meiri en finna meira fyrir þeim Þær segjast ekki vita hvort dregið hafi úr fordómum í samfélaginu. Margt hafi breyst og batnað en þó ekki allt til góðs. „Maður tekur meira eftir því út af samfélagsmiðlum og því sem er í gangi í heiminum. Það er orðinn meiri fasismi og þar af leiðandi verður orðræðan svolítið grófari með því. Maður tekur alveg eftir því,“ segir Nadia. „Hvort það séu meiri fordómar veit ég ekki endilega. Þeir eru kannski bara háværari núna heldur en áður. Fólk var ekki að segja það beint við þig,“ segir hún en dregur það í raun strax til baka þegar hún minnist þess að drukkin kona hafi eitt sinn öskrað að henni á förnum vegi að fara aftur til síns heima. Þá var hún 16 ára. „En það er held ég í eina skiptið sem það hefur verið sagt við mig.“ Einmanalegt að upplifa eitthvað einn Það skiptir miklu máli að geta komið í leikhús og speglað sig í leikarahópnum og tengt við þær sögur sem sagðar eru á sviðinu. Kona af erlendum uppruna hafi komið upp að Nadiu eftir sýninguna og þakkað henni fyrir. „Þetta er svo mikil viðurkenning,“ segir hún. „Hún tengdi við söguna sem ég sagði, að leita að ömmu minni, og hefur örugglega líka farið út að leita að sinni fjölskyldu.“ „Mér finnst þetta svo mikil viðurkenning, að einhver standi á sviði og er að segja sögu sem þú heldur að þú eigir bara einn. Það getur verið einmanalegt,“ segir Nadia að lokum. Í sýningunni Þegar ég sé þig, sé ég mig er varpað ljósi á reynsluheim Íslendinga af blönduðum uppruna. Það geti verið einmanalegt að halda að maður sé einn um lífsreynslu og því gott að spegla sig við einhvern á sviði. Rætt var við Þórdísi Nadiu Semichat og Töru Sóley Mobee í Mannlega þættinum á Rás 1. Viðtalið má finna í spilaranum hér fyrir ofan.
Viðurkenning að einhver standi á sviði og segir sögu sem þú tengir við
„Við erum svolítið að vinna með okkar reynslu, að vera manneskja,“ segir Þórdís Nadia Semichat sem leikur í sýningunni Þegar ég sé þig, sé ég mig á nýja sviði Borgarleikhússins. Leikhópurinn samanstendur af leikurum og listafólki sem flest eiga það sameiginlegt að vera af blönduðum uppruna. Þau segja sögur sínar af tengingu, fordómum, samstöðu og því sem kallað hefur verið öðrun, þegar komið er fram við fólk úr jaðarsettum hópum sem frávik. Verkið er eftir Ernu Kanemu Mashinkila og er unnið í samstarfi við leikhópinn. Rætt var við Nadiu og Töru Sóleyju Mobee í Mannlega þættinum á Rás 1. Viðfangsefni sýningarinnar eru af ýmsum toga. Tara nefnir hversdaginn, sveitalífið, upprunann, hárið, fordóma og lífið. „Við erum sex á sviðinu og við erum öll mjög ólík. Tara talar til dæmis svolítið um íslensku sveitina og svo eru aðrir að velta einhverju öðru fyrir sér,“ segir Nadia. Sjálf velti hún fyrir sér minningum sem erfast í gegnum kynslóðirnar og segir frá því þegar hún fór til Túnis að leita ömmu sinnar. Þurfti að finna leið til að segja söguna án þess að gráta Faðir Nadiu er frá Túnis en þrátt fyrir að hafa heimsótt landið hafði hún aldrei hitt ömmu sína. Hún var stödd úti í starfsnámi, 27 ára, þegar hún ákvað að leita að henni. „Það tók alveg þrjár tilraunir að finna hana.“ Hún átti ekki síma og bjó í hverfi þar sem götu- og húsnúmer voru óljós. „Ég var bara mjög heppin að finna hana. Hún hafði ekki hugmynd um að ég væri að koma.“ Nadia segir það hafa tekið á að rifja þetta upp aftur og aftur til að geta sagt hana á sviði. „Tara getur vottað fyrir það að á fyrstu æfingunum þegar ég er að draga þetta inn í ferlið, þessa sögu, þá gat ég eiginlega ekki lesið hana án þess að fara að gráta. Ég gat ekki einu sinni byrjað söguna. Ég fór bara að gráta.“ „Svo þurfti ég að þróa með mér að geta sagt frá því þannig að fólk myndi skilja hvað ég væri að segja, svo ég væri ekki með ekkasogin, og dramatísera söguna.“ Ólst upp við að eiga heima en tilheyra samt ekki Tara fer með draumórakennda útgáfu af sögu sinni um tengsl við sveitalífið og íslenska náttúru. „Ég hef alltaf tengt við sveitina en fékk kannski ekki alltaf tækifæri til þess að vera séð. þannig. Þegar ég er lítil og er að alast upp þá er maður smá eins og aðskotahlutur,“ segir hún. „Maður á heima þarna og tilheyrir samt ekki.“ Í sýningunni flytur hún lag eftir sjálfa sig sem heitir Hafmeyja og fjallar um að hafa aðgang að tveimur menningarheimum, tengjast þeim en tilheyra þeim samt ekki fyllilega og þurfa að búa til sinn eigin heim. Það sé oft og tíðum einmanalegt að þurfa þess þó að hún geti líka fundið fegurð í því. Eru ekki að ásaka neinn heldur setja í samhengi Leikararnir og listafólkið á það flest sameiginlegt að vera af blönduðum uppruna. Í sýningunni skoða þau hvernig var að alast upp á Íslandi og vera áþreifanlega minnt á að þau séu öðruvísi. „Það kannski kemur á mismunandi forsendum. Það er ekki endilega af því að fólk ætlast til þess að við séum það ekki heldur bara af því að fólk gerir ráð fyrir því ósjálfrátt, út frá menningu og samfélagi,“ segir Tara. „Þetta er áhugavert og ég held að sýningin komi svolítið vel inn á það. Það er ekki verið að ásaka neinn, þetta eru pælingar og hugsanir frá sjónarhornum sem kannski ekki allir hafa upplifað. Aðrir hafa upplifað það en kannski ekki séð þetta sett fram svona.“ Í umfjöllun Morgunblaðsins um sýninguna segir að verkið sé kyrrlátt og kærleiksríkt. Þar sé einungis verið að draga fram áhugaverðar sögur án átaka. „Ég held að það sé einmitt það, eins og titillinn segir: Þegar ég sé þig, sé ég mig. Að þetta fái að vera þannig að við sjáumst, að við sjáum aðra.“ Tara segir það hafa verið áhrifamikið að ræða við áhorfendur eftir sýningar, bæði fólk af íslenskum og erlendum uppruna, sem tengir við ýmsa hluti í sýningunni á ólíkan hátt. „Það er svo fallegt að sjá og setur þetta svo mikið í samhengi. Í rauninni erum við öll að lifa lífinu og gera okkar besta, hér til að vera og vera til.“ Hefði aldrei getað ímyndað sér að standa á sviði Borgarleikhússins á hennar aldri Leikhópurinn er á fjölbreyttum aldri og Nadia nefnir að einn leikarinn, Sedley Francis, hafi flutt hingað til lands frá Englandi en sé einnig ættaður frá Jamaíku. Reynsla hans af Íslandi er allt önnur en þeirra sem ólust hér upp. „Honum finnst skrítið þegar við tölum um fordóma því honum finnst allir svo næs.“ „Ég hef líka allt aðra upplifun en Viktoría Dalitso sem er yngst í sýningunni. Hún er bara þrettán ára og hún er frábær og svo mikil fyrirmynd, ótrúlega góð leikkona,“ segir Nadia um ungu stúlkuna sem lék til að mynda Fíusól í söngleik Borgarleikhússins Fíasól gefst aldrei upp. „Fyrir henni þá bara bíður heimurinn eftir henni.“ „Þegar ég var á hennar aldri þá hefði ég aldrei ímyndað mér að ég gæti fengið hlutverk í einhverju leikriti í Borgarleikhúsinu á þeim aldri sem hún er. Hennar upplifun er til dæmis öðruvísi en mín.“ Veit ekki hvort fordómarnir séu orðnir meiri en finna meira fyrir þeim Þær segjast ekki vita hvort dregið hafi úr fordómum í samfélaginu. Margt hafi breyst og batnað en þó ekki allt til góðs. „Maður tekur meira eftir því út af samfélagsmiðlum og því sem er í gangi í heiminum. Það er orðinn meiri fasismi og þar af leiðandi verður orðræðan svolítið grófari með því. Maður tekur alveg eftir því,“ segir Nadia. „Hvort það séu meiri fordómar veit ég ekki endilega. Þeir eru kannski bara háværari núna heldur en áður. Fólk var ekki að segja það beint við þig,“ segir hún en dregur það í raun strax til baka þegar hún minnist þess að drukkin kona hafi eitt sinn öskrað að henni á förnum vegi að fara aftur til síns heima. Þá var hún 16 ára. „En það er held ég í eina skiptið sem það hefur verið sagt við mig.“ Einmanalegt að upplifa eitthvað einn Það skiptir miklu máli að geta komið í leikhús og speglað sig í leikarahópnum og tengt við þær sögur sem sagðar eru á sviðinu. Kona af erlendum uppruna hafi komið upp að Nadiu eftir sýninguna og þakkað henni fyrir. „Þetta er svo mikil viðurkenning,“ segir hún. „Hún tengdi við söguna sem ég sagði, að leita að ömmu minni, og hefur örugglega líka farið út að leita að sinni fjölskyldu.“ „Mér finnst þetta svo mikil viðurkenning, að einhver standi á sviði og er að segja sögu sem þú heldur að þú eigir bara einn. Það getur verið einmanalegt,“ segir Nadia að lokum. Í sýningunni Þegar ég sé þig, sé ég mig er varpað ljósi á reynsluheim Íslendinga af blönduðum uppruna. Það geti verið einmanalegt að halda að maður sé einn um lífsreynslu og því gott að spegla sig við einhvern á sviði. Rætt var við Þórdísi Nadiu Semichat og Töru Sóley Mobee í Mannlega þættinum á Rás 1. Viðtalið má finna í spilaranum hér fyrir ofan.
Opinn fyrir stuttu ævintýri í Sádí til að þykkja budduna
Miðjumaður Barcelona, Marc Casado, er óvænt orðaður við félagaskipti til Sádi-Arabíu í spænska miðlinum AS. Casado, sem er 22 ára, á erfitt með að fá mínútur á sterkri miðju Börsunga. Er hann sagður opinn fyrir nýrri áskorun. Kemur stutt dvöl í Sádí til greina, en þar gæti hann þykkt veskið sitt verulega. Casado kom upp Lesa meira
Gróðurhúsalofttegundir ekki lengur skaðlegar samkvæmt Trump
Donald Trump Bandaríkjaforseti hefur fellt úr gildi álit Umhverfisstofnunar Bandaríkjanna um að gróðurhúsalofttegundir, sem valda hnattrænni hlýnun, séu skaðlegar heilsu og velferð manna.
Tvær líkamsárásir
Lögreglan á höfuðborgarsvæðinu brást við tveimur líkamsárásum á kvöld- og næturvaktinni. Minni háttar meiðsl hlutust af líkamsárás í Hafnarfirði og afgreiddi lögregla það mál á staðnum. Kona í annarlegu ástandi var handtekin í Grafarvogi eftir líkamsárás og hún flutt í fangaklefa. Tveir voru handteknir fyrir þjófnað úr verslun í Hafnarfirði og nokkrir voru stöðvaðir fyrir of hraðan akstur, akstur undir áhrifum eða fyrir að fara yfir á rauðu ljósi hér og þar á höfuðborgarsvæðinu. Hafnarfjörður.RÚV / Ragnar Visage