Add source Login
Enn verið að slökkva glæður á Siglufirði

Enn verið að slökkva glæður á Siglufirði

Eldglæður í húsnæðinu í gærkvöld.Ólöf Rún Erlendsdóttir Slökkvilið Fjallabyggðar vinnur enn að því að slökkva glæður í eldi sem kviknaði í iðnaðarhúsnæði í Siglufirði í gær. Jóhann K. Jóhannsson slökkviliðsstjóri greindi fréttastofu frá því að vinnuvél hafi verið fengin til að ná þaki húsnæðisins niður. Jóhann býst við því að brunavakt verði við húsnæðið fram eftir degi. Hann segir það taka langan tíma að finna glóðir í svo stórri og flókinni byggingu.

Ítrekaði afstöðu íslenskra stjórnvalda í alþjóðamálum á fundi með Xi Jingping

Ítrekaði afstöðu íslenskra stjórnvalda í alþjóðamálum á fundi með Xi Jingping

Halla Tómasdóttir forseti Íslands átti um hálftíma langan fund í morgun með Xi Jingping, forseta Kína, þar sem farið var yfir helstu áskoranir í alþjóðamálum, auk þess sem samskipti ríkjanna tveggja voru rædd. Samkvæmt upplýsingum fréttastofu kom Halla afstöðu íslenskra stjórnvalda til dæmis hvað varðar innrásarstríð Rússa í Úkraínu skýrt á framfæri, en meðal vestrænna ríkja hafa Kínverjar verið ítrekað verið gagnrýndir fyrir að veita Rússum stuðning undanfarin misseri. Mannréttindi voru einnig til umræðu á þessum fundi og greint frá afstöðu íslenskra stjórnvalda í þeim málum. Þorbjörg Gunnlaugsdóttir dómsmálaráðherra sat þennan fund með forseta, auk sendiherra Íslands í Kína og annarra íslenskra embættismanna. Staðan á Gaza var einnig rædd, og ítrekuð var sú afstaða íslenskra stjórnvalda að friður kæmist á sem fyrst í samræmi við tveggja ríkja lausnina um sjálfstæða Palestínu. Bæði Kína og Ísland hafa viðurkennt sjálfstæði Palestínu; Kína var reyndar eitt af fyrstu ríkjum heims til að gera það, árið 1988. Einnig var rætt um jafnréttismál og það vakti athygli að í íslenska hópnum á fundinum voru sex konur og einn karlmaður, en hinum megin við borðið voru átta karlmenn og ein kona. Nánar verður fjallað um fund forsetanna í fréttum RÚV í dag og í kvöld og rætt við Höllu Tómasdóttur forseta.

Gekk á milli lækna en enginn vissi hvað var að – Fékk svarið þegar hann lýsti einkennunum fyrir gervigreindinni

Gekk á milli lækna en enginn vissi hvað var að – Fékk svarið þegar hann lýsti einkennunum fyrir gervigreindinni

„Mér fannst eins og enginn vildi hlusta á mig,“ segir Oliver Moazzezi, starfsmaður í upplýsingatækni, í viðtali við breska ríkisútvarpið, BBC. Oliver gekk á milli lækna þar sem hann ýmislegt benti til þess að hann væri ekki alveg heill heilsu. Allt byrjaði þetta með óútskýrðu suði í eyrunum, svo bættist við of hár blóðþrýstingur, mikil Lesa meira

Ákæra tvo Rússa fyrir njósnir

Ákæra tvo Rússa fyrir njósnir

Saksóknarar í Póllandi ákærðu í gær rússnesk hjón fyrir njósnir í þágu Rússlands. Hjónin, sem njóta nafnleyndar samkvæmt pólskum lögum en eru kölluð Igor R. og Irina R. í tilkynningu um ákæruna, voru handtekin í júlí í fyrra. Í tilkynningu um ákæruna kemur fram að rannsókn hafi leitt í ljós að Igor R. hafi unnið með rússnesku leyniþjónustunni FSB við að njósna um rússneska stjórnarandstæðinga sem búsettir eru í Póllandi. Irina R. lét upplýsingarnar ganga til fulltrúa FSB á rafrænu geymsludrifi. Auk njósnaákærunnar er Igor R. ákærður fyrir að senda böggul með sprengiefni í pósti ásamt einum Rússa og tveimur Úkraínumönnum í júlí 2024. „Böggullinn innihélt sprengitæki og -efni, nánar tiltekið nítróglyserín, og jafnframt falin rafræn kveikitæki og ræsibúnað af því tagi sem herir nota,“ sögðu saksóknararnir í yfirlýsingu. „Í tengslum við sendingu þessa bögguls var Igor R. ákærður fyrir að stofna lífi manna, heilsu eða eignum í hættu á stórfelldan hátt með sprengingu sprengitækja.“ Ekki var tekið fram í tilkynningunni hver hefði átt að taka við bögglinum en fram kom að sprengjan hefði getað valdið verulegu tjóni á innviðum ef hún hefði sprungið. Hjónin gætu átt yfir sér allt að 15 ára fangelsisdóm ef þau verða sakfelld. Pólverjar hafa ítrekað sakað Rússa um njósnir og skemmdarverkastarfsemi á pólskri grundu undanfarin ár. Þeir segja þetta lið í fjölþáttahernaði Rússa gegn nágrannaríkjum sínum, sem Rússar þvertaka fyrir.

Varar Moldóvu við því að sýna Rússum fjandskap

Varar Moldóvu við því að sýna Rússum fjandskap

Dmítríj Peskov, fjölmiðlafulltrúi ríkisstjórnar Rússlands, varaði Moldóvu við því að sýna Rússlandi fjandskap á sunnudaginn. Hann ýjaði að því að ef moldóvsk stjórnvöld héldu áfram á sömu braut yrðu afleiðingarnar í Moldóvu svipaðar og í Úkraínu. Flokkur aðgerða og samstöðu (PAS), sem vill leiða Moldóvu inn í Evrópusambandið, vann afgerandi sigur í þingkosningum í lok september. Í aðdraganda kosninganna hafði Maia Sandu forseti Moldóvu varað við því að Rússar stunduðu markvissa undirróðursstarfsemi til að hafa áhrif á niðurstöðuna. Í síðustu viku samþykktu moldóvsk stjórnvöld síðan nýja áætlun í varnarmálum þar sem Rússland var skilgreint sem helsta öryggisógnin gegn Moldóvu. Í áætluninni var einnig varað við möguleikanum á því að innrásarstríð Rússa í Úkraínu kunni að teygja anga sína til Moldóvu. Áréttað var í áætluninni að moldóvski herinn skyldi hafa meginreglur um „hlutleysi og eingöngu varnarhlutverk“ að leiðarljósi við uppbyggingu sína. „Þetta er áframhald á fremur herskárri línu gegn landinu okkar, óvinsamlegri línu,“ hafði rússneski ríkismiðillinn TASS eftir Peskov. „Núverandi leiðtogar Moldóvu eru, að okkar mati, að gera alvarleg mistök. Þeir halda að sú stefna að efla sambandið við Evrópu feli í sér algeran fjandskap gegn Rússlandi. Eitt ríki hefur þegar gert þessi mistök. Þau leiddu ekki til neins góðs fyrir þetta eina ríki.“