Add source Login
Fimm strangheiðarlegir rokkslagarar á föstudegi

Fimm strangheiðarlegir rokkslagarar á föstudegi

Florence + The Machine – Everybody Scream Það verður að segjast að undirritaður er nú yfirleitt ekki hrifinn af því þegar tónlistarfólk er að setja leikhústilburði í lögin sín en það eru stundum undantekningar. Nýja lag Florence + the Machine, Everybody Scream, er ein af þeim. Þetta er titillagið á sjöttu plötu sveitarinnar sem kemur út í október. Spoon – Guess I'm Fallin In Love Þá liggur leiðin til Austin í Texas þar sem hljómsveitin Spoon er að dunda sér í rólegheitunum við að smíða næstu plötu sína og mögulega að hlusta á smá Can. Síðasta plata þeirra, Lucifer on the Sofa, frá 2022 var strangheiðarleg rokkplata og Guess I'm Fallin In Love gefur fyrirheit um að næsta verði það líka. Royel Otis – who's your boyfriend Ástralski indírokkdúettinn Royel Otis er á hraðri leið á toppinn eins og viðtökur við nýja laginu þeirra who's your boyfriend sýna. Lagið er af nýju plötunni þeirra, Hickey, sem kom út síðasta föstudag og er önnur breiðskífa þeirra. Alabama Shakes – Another Life Það eru komin tíu ár frá síðustu plötu Alabama Shakes, Sound & Color, og löngu tímabært að bandið hendi í aðra. Lagið Another Life, sem kom út í dag, er það fyrsta sem heyrist af henni en útgáfudagur hefur ekki verið tilkynntur. My Morning Jacket – Everyday Magic Lagið Everyday Magic er þannig séð ekki alveg nýtt af nálinni en það kom út fyrir þremur mánuðum og er búið að malla á rokkstöðvum í USA í sumar. Everyday Magic er grúví og flauelsmjúkur soft-rokkslagari tekinn af tíundu plötu sveitarinnar, Is. Fimman lagalisti

Krefst að Matthías verði sýknaður af öllum ákæruliðum

Krefst að Matthías verði sýknaður af öllum ákæruliðum

Verjandi Matthíasar Björns Erlingssonar, sem ákærður er fyrir manndráp, frelsissviptingu, fjárkúgun og rán í svokölluðu Þorlákshafnarmáli krefst að hann verði sýknaður af öllum kröfum ákæruvaldsins. Til vara krefst verjandinn, Sævar Þór Jónsson, vægustu refsingar. Þá krefst hann að einkaréttarkröfum verði vísað frá dómi, eða þær lækkaðar verulega. Einnig krefst hann þess að allur málskostnaður verði greiddur úr ríkissjóði. Þeir Matthías Björn, Lúkas Geir Ingvarsson og Stefán Blackburn eru allir ákærðir fyrir að hafa valdið bana Hjörleifs Hauks Guðmundssonar, karlmanns á sjötugsaldri, sem ginntur var út af heimili sínu í Þorlákshöfn að kvöldi 10. mars, beittur ofbeldi og fannst síðan illa haldinn við göngustíg í Gufunesi morguninn eftir. Hjörleifur lést á Landspítala skömmu síðar. Segir formgalla á ákærunni „Hvað ætla menn að gefa ákæruvaldinu mikinn afslátt?“ spurði Sævar Þór og sagði formgalla á ákærunni hvað varðar aðild Matthíasar að líkamsmeiðingum. Í verknaðarlýsingum sé ekki gefin nein lýsing á ofbeldi af hans hendi, sem gæti hafa leitt til andláts Hjörleifs. Hann hafi fyrst tjáð sig í einangrun, síðan fyrir dómi. Hvorki Lúkas né Stefán hafi gert það og í raun ekki tjáð sig fyrr en á fyrsta degi aðalmeðferðar á mánudaginn. Sævar Þór óskaði eftir nánari skýringum á fullyrðingum saksóknara á að það væri misræmi í framburði Matthíasar og hinna tveggja. „Það hefur ekki tekist að færa sönnur á hlutdeild hans í þessum verknaði. Eða ásetning hans,“ sagði Sævar Þór. „Aðkoma Matthíasar fólst fyrst og fremst í viðveru.“ Stjórnaði ekki aðstæðum Sævar Þór sagði ljóst að umbjóðandi sinn hefði ekki á neinn hátt komið að skipulagningu þess ofbeldis sem beitt var. „Það er ljóst að hann stjórnaði ekki aðstæðum og var undir miklum þrýstingu frá meðákærðu (Lúkasi og Stefáni). Matthías hefur alltaf neitað að hafa beitt ofbeldi. Það hafa meðákærðu ekki gert og það skiptir máli.“ Sævar gerði tjakk, sem meðákærðu segja að Matthías hafi slegið Hjörleif með að umtalsefni. Hann sagði að tjakkurinn hefði aldrei verið skoðaður á neinn hátt. „Er það ekki furðulegt í morðrannsókn?“ Segir afsökunarbeiðni skjóta skökku við Því næst vék Sævar Þór að bréfi, sem Lúkas skrifaði til Matthíasar á meðan þeir voru báðir í gæsluvarðhaldi í fangelsinu á Hólmsheiði. Bréfið var falið á útisvæði fanga og þar var Matthías meðal annars hvattur til að skipta um lögmann og beðinn afsökunar. Bréfið fannst og Sævar Þór sagði að sér hefði brugðið þegar hann frétti af því. Hann sagði það skjóta skökku við að Matthías hafi verið beðinn afsökunar, hafi hann verið jafnsekur hinum tveimur. „Ég er ekki að segja að minn umbjóðandi sé engill, alls ekki. En hans sakaskrá er stutt miðað við það sem hinir tveir eru með,“ sagði verjandinn og átti þar við þá Lúkas og Stefán. Hann sagði ákæruvaldið hafa fallið í þá gröf að koma með eftiráskýringar á ýmsum þáttum málsins. „Voru menn kannski bara búnir að áætla að þetta væri komið, bara út af einhverju myndbandi?“ spurði Sævar Þór og átti þar við myndband sem lögregla útbjó og sýndi á fyrsta degi aðalmeðferðar þar sem ferðir ákærðu kvöldið 10. mars og aðfaranótt 11. mars voru raktar með stuðningi ýmissa gagna. Undir boðvaldi sér eldri manna „Í þessu öllu má ekki gleyma að ákærði, Matthías, var ekki viðstaddur þegar brotaþoli var beittur ofbeldi,“ sagði Sævar Þór. Varðandi ákæruna fyrir frelsissviptingu Hjörleifs sagði Sævar Þór að Matthías hefði verið undir þrýstingi og boðvaldi sér eldri manna. „Því hefur verið haldið fram að hann hefði átt að geta farið og yfirgefið þá þegar hann vildi. En það er ekkert einfalt,“ sagði Sævar Þór. Hann sagði ekkert í gögnum málsins styðja ásetning skjólstæðings síns. „Það er ljóst að aðild er takmörkuð, viðvera er þvinguð,“ sagði Sævar Þór. Segir ótengd mál tengd saman „Það er ekki hægt að halda því fram að hann sé þátttakandi í morði af því hann tengist því sem er kallað Akranesmál. Það er verið að reyna að tengja ótengd mál saman. Þetta kemur þessu máli bara ekkert við,“ sagði Sævar Þór, en með Akranesmálinu átti hann við þegar karlmaður var beittur ofbeldi í tálbeituaðgerðum hóps ungmenna. Ekki hefur verið ákært í því máli. „Það á ekki að vera kappsmál ákæruvaldsins að fá þessa menn sakfellda. Það á að vera markmiðið að vinna vel, ekki láta hlutina líta verr út en þeir eru.“ Hann sagði framburð umbjóðanda síns hafa verið stöðugan og til þess bæri að taka tillit til. „Hann hefur alltaf haldið sig við sama framburðinn og alltaf verið viljugur til að gefa upplýsingar,“ sagði Sævar Þór. Kallaði umbjóðanda sinn bölvaðan sóða Hann lýsti Matthíasi sem „bölvuðum sóða“ , eins og hann orðaði það. Bíll hans, Volkswagen Golf bifreið, sem ekið var þetta kvöld og Hjörleifur var fluttur í í Gufunes hafi verið sneisafull af tómum gosdósum og öðru slíku. Fingraför Matthíasar fundust á drykkjardós, sem fannst þremur metrum frá staðnum þar sem Hjörleifur fannst í Gufunesi. Þessi dós hafi verið meðal þess sem var lagt til grundvallar ákærunni um manndráp. „Það eru engin lífsýni sem tengja Matthías við þetta ofbeldi nema þessi dós. En hún er ekki nóg,“ sagði Sævar Þór. Látum litla gaurinn taka þetta á sig „Umbjóðandi minn var 18 ára (þegar þetta gerðist). En hann er eins og fermingardrengur í samanburði við þessa menn,“ sagði Sævar Þór. „Látum litla gaurinn taka þetta á sig, hann fær bara eitt og hálft ár. Er það ekki málið? “ Sævar Þór sagði umbjóðanda sinn ekki njóta sama vafa og aðrir sakborningar í málinu. „Mér finnst þetta vera hálfgerð mannvonska. Hann vill vera greiðvikinn, hann vill sanna sig og því miður leiddist hann út í aðstæður sem hann hafði ekki stjórn á. Hann hefur af einlægni komið fram opinberlega og beðist afsökunar. Hann hefur ekki haldið fram að brotaþoli hafi verið haldinn einhverjum barnaperraskap, eins og aðrir sakborningar hafa sagt.“

Krefst þess að Matthías verði sýknaður af öllum ákæruliðum

Krefst þess að Matthías verði sýknaður af öllum ákæruliðum

Verjandi Matthíasar Björns Erlingssonar, sem ákærður er fyrir manndráp, frelsissviptingu, fjárkúgun og rán í svokölluðu Þorlákshafnarmáli krefst þess að hann verði sýknaður af öllum kröfum ákæruvaldsins. Til vara krefst verjandinn, Sævar Þór Jónsson, vægustu refsingar. Þá krefst hann þess að einkaréttarkröfum verði vísað frá dómi, eða þær lækkaðar verulega. Einnig krefst hann þess að allur málskostnaður verði greiddur úr ríkissjóði. Þeir Matthías Björn, Lúkas Geir Ingvarsson og Stefán Blackburn eru allir ákærðir fyrir að hafa valdið bana Hjörleifs Hauks Guðmundssonar, karlmanns á sjötugsaldri, sem ginntur var út af heimili sínu í Þorlákshöfn að kvöldi 10. mars, beittur ofbeldi og fannst síðan illa haldinn við göngustíg í Gufunesi morguninn eftir. Hjörleifur lést á Landspítala skömmu síðar. Segir formgalla á ákærunni „Hvað ætla menn að gefa ákæruvaldinu mikinn afslátt?“ spurði Sævar Þór og sagði formgalla á ákærunni hvað varðar aðild Matthíasar að líkamsmeiðingum. Í verknaðarlýsingum sé ekki gefin nein lýsing á ofbeldi af hans hendi, sem gæti hafa leitt til andláts Hjörleifs. Hann hafi fyrst tjáð sig í einangrun, síðan fyrir dómi. Hvorki Lúkas né Stefán hafi gert það og í raun ekki tjáð sig fyrr en á fyrsta degi aðalmeðferðar á mánudaginn. Sævar Þór óskaði eftir nánari skýringum á fullyrðingum saksóknara um að það væri misræmi í framburði Matthíasar og hinna tveggja. „Það hefur ekki tekist að færa sönnur á hlutdeild hans í þessum verknaði. Eða ásetning hans,“ sagði Sævar Þór. „Aðkoma Matthíasar fólst fyrst og fremst í viðveru.“ Stjórnaði ekki aðstæðum Sævar Þór sagði ljóst að umbjóðandi sinn hefði ekki á neinn hátt komið að skipulagningu þess ofbeldis sem beitt var. „Það er ljóst að hann stjórnaði ekki aðstæðum og var undir miklum þrýstingu frá meðákærðu [Lúkasi og Stefáni]. Matthías hefur alltaf neitað að hafa beitt ofbeldi. Það hafa meðákærðu ekki gert og það skiptir máli.“ Sævar gerði tjakk, sem meðákærðu segja að Matthías hafi slegið Hjörleif með að umtalsefni. Hann sagði að tjakkurinn hefði aldrei verið skoðaður á neinn hátt. „Er það ekki furðulegt í morðrannsókn?“ Segir afsökunarbeiðni skjóta skökku við Því næst vék Sævar Þór að bréfi, sem Lúkas skrifaði til Matthíasar á meðan þeir voru báðir í gæsluvarðhaldi í fangelsinu á Hólmsheiði. Bréfið var falið á útisvæði fanga og þar var Matthías meðal annars hvattur til að skipta um lögmann og beðinn afsökunar. Bréfið fannst og Sævar Þór sagði að sér hefði brugðið þegar hann frétti af því. Hann sagði það skjóta skökku við að Matthías hafi verið beðinn afsökunar, hafi hann verið jafnsekur hinum tveimur. „Ég er ekki að segja að minn umbjóðandi sé engill, alls ekki. En hans sakaskrá er stutt miðað við það sem hinir tveir eru með,“ sagði hann og átti þar við þá Lúkas og Stefán. Hann sagði ákæruvaldið hafa fallið í þá gröf að koma með eftiráskýringar á ýmsum þáttum málsins. „Voru menn kannski bara búnir að áætla að þetta væri komið, bara út af einhverju myndbandi?“ spurði Sævar Þór og átti þar við myndband sem lögregla útbjó og sýndi á fyrsta degi aðalmeðferðar þar sem ferðir ákærðu kvöldið 10. mars og aðfaranótt 11. mars voru raktar með stuðningi ýmissa gagna. Undir boðvaldi sér eldri manna „Í þessu öllu má ekki gleyma að ákærði, Matthías, var ekki viðstaddur þegar brotaþoli var beittur ofbeldi,“ sagði Sævar Þór. Varðandi ákæruna fyrir frelsissviptingu Hjörleifs sagði Sævar Þór að Matthías hefði verið undir þrýstingi og boðvaldi sér eldri manna. „Því hefur verið haldið fram að hann hefði átt að geta farið og yfirgefið þá þegar hann vildi. En það er ekkert einfalt.“ Hann sagði ekkert í gögnum málsins styðja ásetning skjólstæðings síns. „Það er ljóst að aðild er takmörkuð, viðvera er þvinguð.“ Segir ótengd mál tengd saman „Það er ekki hægt að halda því fram að hann sé þátttakandi í morði af því hann tengist því sem er kallað Akranesmál. Það er verið að reyna að tengja ótengd mál saman. Þetta kemur þessu máli bara ekkert við,“ sagði Sævar Þór, en með Akranesmálinu átti hann við þegar karlmaður var beittur ofbeldi í tálbeituaðgerðum hóps ungmenna. Ekki hefur verið ákært í því máli. „Það á ekki að vera kappsmál ákæruvaldsins að fá þessa menn sakfellda. Það á að vera markmiðið að vinna vel, ekki láta hlutina líta verr út en þeir eru.“ Hann sagði framburð umbjóðanda síns hafa verið stöðugan og til þess bæri að taka tillit til. „Hann hefur alltaf haldið sig við sama framburðinn og alltaf verið viljugur til að gefa upplýsingar,“ sagði Sævar Þór. Kallaði umbjóðanda sinn bölvaðan sóða Hann lýsti Matthíasi sem „bölvuðum sóða“ , eins og hann orðaði það. Volkswagen Golf-bifreið hans, sem ekið var þetta kvöld og Hjörleifur var fluttur í í Gufunes hafi verið sneisafull af tómum gosdósum og öðru slíku. Fingraför Matthíasar fundust á drykkjardós, sem fannst þremur metrum frá staðnum þar sem Hjörleifur fannst í Gufunesi. Þessi dós hafi verið meðal þess sem var lagt til grundvallar ákærunni um manndráp. „Það eru engin lífsýni sem tengja Matthías við þetta ofbeldi nema þessi dós. En hún er ekki nóg,“ sagði Sævar Þór. Látum litla gaurinn taka þetta á sig „Umbjóðandi minn var 18 ára [þegar þetta gerðist]. En hann er eins og fermingardrengur í samanburði við þessa menn,“ sagði Sævar Þór. „Látum litla gaurinn taka þetta á sig, hann fær bara eitt og hálft ár. Er það ekki málið? “ Sævar Þór sagði umbjóðanda sinn ekki njóta sama vafa og aðrir sakborningar í málinu. „Mér finnst þetta vera hálfgerð mannvonska. Hann vill vera greiðvikinn, hann vill sanna sig og því miður leiddist hann út í aðstæður sem hann hafði ekki stjórn á. Hann hefur af einlægni komið fram opinberlega og beðist afsökunar. Hann hefur ekki haldið fram að brotaþoli hafi verið haldinn einhverjum barnaperraskap, eins og aðrir sakborningar hafa sagt.“ Lögmaður segir formgalla á ákærunni í Þorlákshafnarmálinu. Hann segir 19 ára umbjóðanda sinn hafa verið undir boðvaldi sér eldri manna. Hann sé enginn engil en aðild hans hafi fyrst og fremst falist í viðveru.

Vinnslustöðin segir upp 50 starfsmönnum

Vinnslustöðin segir upp 50 starfsmönnum

Vinnslustöðin hefur sagt upp 50 starfsmönnum sem hluta af hagræðingaraðgerðum til að mæta hækkun veiðigjalda. Þetta segir í yfirlýsingu frá fyrirtækinu. Þar segir að áætlað sé að hækkun veiðigjalda fyrirtækisins nemi 850 milljónum króna sem geri þau alls 1.450 milljónir króna á ári. „Fyrsta skrefið var að stöðva allar fyrirhugaðar framkvæmdir og kaup á nýjum skipum. Það eitt og sér dugir ekki til og því þarf að grípa til fleiri aðgerða. Stjórn Vinnslustöðvarinnar hefur því ákveðið að loka fiskvinnslunni Leo Seafood. Það er erfið en nauðsynleg ákvörðun. Við breytingarnar þarf félagið að grípa til uppsagna 50 starfsmanna,“ segir í yfirlýsingunni. Þá segir að launakostnaður hafi hækkað gríðarlega og sterk staða íslensku krónunnar hafi gert rekstur Leo Seafood erfiðan. Unnið hafi verið að hagræðingu í rekstri Leo Seafood í tvö ár sem ekki hafi borið árangur. Eftir lokun Leo Seafood verður hluti fisks sem þar er unninn unninn í saltfiskvinnslu Vinnslustöðvarinnar. „Áhrifin verða víðtæk og má benda á að launakostnaður Leo Seafood nam á síðasta ári 550 milljónum króna og verða ríkið og Vestmannaeyjabær af 122 milljónum við þessa aðgerð í formi útsvars og skatta,“ segir í yfirlýsingunni.