Kristján Markús Sívarsson, annar Sívarsbræðra svokallaðra, var í dag dæmdur í eins árs fangelsi í Landsrétti fyrir sérstaklega hættulega líkamsárás gegn konu árið 2022 á heimili hans. Landsréttur mildaði þannig 16 mánaða fangelsisdóm sem Kristján hlaut í héraði fyrir tæpu ári síðan, í þremur ákæruliðum. Konan lýsti því að Kristján hefði hent hlut í höfuð hennar með þeim afleiðingum að úr blæddi, hana svimaði og hún féll í gólfið. Höfuðkúpubrot og mar á heila Konan var stödd á heimili Kristjáns ásamt þáverandi kærasta sínum er árásin átti sér stað. Á heimilinu var einnig þáverandi kærasta Kristjáns en hún kveðst ekki muna eftir árásinni. Hún var flutt á bráðamóttöku í kjölfar árásarinnar þar sem kom í ljós að hún hafði hlotið sár á höfði, höfuðkúpubrot og mar á heila. Kristján neitaði sök og kannaðist ekki við ofbeldið en var engu að síður dæmdur til refsingar. Að mati Landsréttar er það sannað bæði af framburði konunnar og kærasta hennar að Kristján hafi veist að henni með ofbeldi og kastað óþekktum hlut í höfuð hennar með þeim afleiðingum að úr því blæddi og hana svimaði. Óljóst hvort Kristján hafi hent kertasjaka, öskubakka eða styttu Hluturinn hefur ekki fundist við rannsókn málsins og frásögnum ber ekki saman um hvort Kristján hafi kastað kertastjaka, styttu eða öskubakka í höfuð konunnar en fyrir liggur að hvorki hún né kærasti hennar voru alsgáð er árásin átti sér stað. Landsréttur telur aftur á móti að framburði þeirra bæri ekki saman um það hvort konan hafi fallið í gólfið við höfuðhöggið og við það hafi brotnað upp úr hægri augntönn hennar. Landsréttur sýknaði einnig Kristján af sakargiftum er lutu að vörslu amfetamíns og broti gegn vopnalögum, með því að hafa haft í vörslum sínum tvær axir sem lögregla lagði hald á. Landsréttur taldi sök Kristjáns samkvæmt þeim lið ákærunnar fyrnda, enda hefði refsing hans vegna þeirra brota ekki farið fram úr sektum. Dæmdur fyrir aðra líkamsárás fyrr á árinu Vegna þessa er refsing Kristjáns stytt úr 16 mánuðum niður í 12 en refsingin er ekki skilorðsbundin að neinu leyti í ljósi sakaferils Kristjáns og alvarleika brots hans. Þá verður honum gert að greiða konunni eina milljón í miskabætur auk málskostnaðar en héraðdómur gerði honum upphaflega að greiða henni 800 þúsund krónur. Kristján á langan brotaferil að baki sér. Hann hefur átta sinnum hlotið dóma fyrir ofbeldisbrot og hefur í fjölmörg skipti verið dæmdur fyrir fíknilagabrot. Fyrr á þessu ári var hann dæmdur fyrir sérstaklega hættulega líkamsárás þar sem hann pyntaði konu með hrottafengnum hætti í marga daga á heimili sínu.

• Fréttastofa RÚV
• 1 gün, 23 saat, 6 dakika

Gistinætur erlendra gesta voru 616.048 í ágúst, eða 12% fleiri en í fyrra. Gistinóttum Íslendinga fækkuðu um 13,6% og voru 50.995.

• Viðskiptablaðið
• 1 gün, 23 saat, 14 dakika

Fyrrum úrvalsdeildarmaðurinn Jonjo Shelvey segir að óvænt skref sitt yfir í fótbolta í Sameinuðu arabísku furstadæmunum hafi ekki verið vegna peninga. Shelvey, 33 ára, sem hefur áður leikið með liðum á borð við Liverpool, Newcastle og tyrknesku félögunum Rizespor og Eyupspor, gekk nýlega til liðs við lið í þriðju deild í Sameinuðu arabísku furstadæmunum. Hann Lesa meira

• DV
• 1 gün, 23 saat, 19 dakika

Síðustu vikur hafa tvö mál verið áberandi í umræðunni; skortur á úrræðum fyrir börn í vímuefnaneyslu og slæm staða í fangelsismálum. Í báðum málaflokkum er margumtöluð innviðaskuld átakanleg. Þarna birtast okkur mjög veikir hlekkir í keðjunni sem mótar velferðarkerfið okkar.

• Vísir
• 1 gün, 23 saat, 19 dakika

Tekist var á um stuðning við einkarekna fjölmiðla á Alþingi í dag. Sjálfstæðismenn gagnrýndu veru RÚV á auglýsingamarkaði en Jóhann Páll Jóhannsson, umhverfis-, orku- og loftslagsráðherra, benti á að flokkurinn hefði ekki gert neitt og það hefði þurft að losna við hann úr ríkisstjórn til þess að hreyfing kæmist á þau mál. „Það er eins Lesa meira

• DV
• 1 gün, 23 saat, 19 dakika

Jóhann Kristinn Gunnarsson hefur verið ráðinn þjálfari kvennaliðs Þróttar úr Reykjavík, sem leikur í Bestu deildinni.

• Mbl
• 1 gün, 23 saat, 23 dakika

Tískusýning undirfatarisans Victoria's Secret fór fram í gærkvöld en þar mátti sjá kasólétta Jasmine Tooks stíga fyrsta á svið, fjölmargar glæsilegar kanónur rifja upp gamla takta og nýliða sem skinu skært.

• Vísir
• 1 gün, 23 saat, 24 dakika

Forkólfar handknattleikssambanda Íslands, Grænlands og Færeyja undirrituðu í gær viljayfirlýsingu um aukið samstarf þjóðanna í handbolta, á landsleik Íslands og Færeyja í undankeppni EM kvenna.

• Vísir
• 1 gün, 23 saat, 32 dakika

Nú stendur félagsfólk VR frammi fyrir mikilvægri ákvörðun: hvort halda eigi áfram með núverandi varasjóð VR eða taka upp hefðbundið styrkjakerfi. Sem stjórnarmaður í VR hvet ég félagsfólk eindregið til að kjósa til stuðnings varasjóðnum. Hann er réttlátari, sveigjanlegri og tryggir félagsfólki raunverulegt frelsi til að nýta sitt eigið fé á eigin forsendum.

• Vísir
• 1 gün, 23 saat, 32 dakika

Yfirvöld í Sýrlandi hafa samþykkt að taka við Mohamad Kourani, sem var dæmdur í átta ára fangelsi fyrir rúmu ári, verði hann sendur þangað. Nú stendur það aðeins á náðunarnefnd að hann verði fluttur úr landi og settur í endurkomubann í áratugi.

• Vísir
• 1 gün, 23 saat, 32 dakika

Kristján Markús Sívarsson var í dag dæmdur í 12 mánaða fangelsi í Landsrétti fyrir að hafa ráðist á konu á heimili sínu í Reykjavík í janúar 2022. Dómurinn taldi sannað að hann hefði kastað hlut í höfuð konunnar með þeim afleiðingum að hún hlaut höfuðkúpubrot og mar á heila.

• Mbl
• 1 gün, 23 saat, 34 dakika

Seinustu tvær vikur á Landspítalanum hafa verið þungar vegna erfiðleika við að skrá fólk út af bráðamóttöku. Staðan hefur þó skánað örlítið í dag.

• Mbl
• 1 gün, 23 saat, 39 dakika

Knattspyrnuþjálfarinn Davíð Smári Lamude segir það ekki ljóst að svo stöddu hvaða lið hann muni þjálfa næst. Davíð Smári hefur átt í viðræðum við Njarðvík um að taka við karlaliðinu, auk þess að hafa rætt við fleiri félög, en hefur ekki skrifað undir neins staðar.

• Mbl
• 1 gün, 23 saat, 39 dakika

Ökumaður keyrði á ellefu ára dreng á hjóli og ók svo í burtu án þess að stöðva. Faðir drengsins segir hann í andlegu áfalli og leitar vitna að atvikinu.

• Vísir
• 1 gün, 23 saat, 41 dakika

Íslenska ríkið þarf að greiða fasteignafélagi í Reykjavík 19 milljónir króna í skaðabætur vegna ólömætrar skyndifriðunar Minjastofnunar árið 2019. Landsréttur komst að þeirri niðurstöðu að hóteleigendur hafi misst af átta daga virði af leigutekjum vegna tafa sem friðunin olli.

• Vísir
• 1 gün, 23 saat, 44 dakika

Framtíðardagur KPMG fór fram fimmtudaginn 9. október síðastliðinn í Grósku.

• Viðskiptablaðið
• 1 gün, 23 saat, 47 dakika