Hafin er á Landspítalanum vinna við að fá fjölþjóðlega vottun á þá þjónustu sem fólki með krabbamein er veitt þar. „Við erum með alla anga úti til að bregðast við þeirri áskorun sem hin jákvæða þróun meðferða við krabbameinum hefur leitt af sér.
Tæplega tveggja prósenta samdráttur í landsframleiðslu á öðrum fjórðungi, sem er óravegu frá spá Seðlabankans, endurspeglar að áhrifa tollastríðs bandarískra yfirvalda er farið að gæta í tölunum og sennilegt að útflutningsgreinarnar muni áfram glíma við mótbyr. Aðalhagfræðingur Kviku segir tölurnar „afhjúpa“ áhættuna við skilyrta leiðsögn Seðlabankans hvað þurfi að gerast svo vextir verði lækkaðir frekar en telur sjálfur að auknar líkur séu núna á að vaxtalækkunarferlið fari af stað á nýjan leik snemma næsta árs.
Nokkuð öflug jarðskjálftahrina hefur úti fyrir Reykjanestá frá því á fimmta tímanum í morgun og mældist stærsti skjálftinn 3,3 klukkan 4:48.
Diljá Ýr Zomers og félagar hennar í Brann munu mæta Manchester United í umspili um sæti í Meistaradeild Evrópu í fótbolta en dregið var í dag.
Stjórn Hamravalla ehf. lagði til að greiddur yrði 120 milljóna arður til hluthafa árið 2025.
Villa á Google Maps hefur valdið misskilningi hjá vegfarendum sem nota forritið til leiðsagnar. Forritið segir ökumönnum að taka Krýsuvíkurleiðina um Grindavík á leiðinni til Keflavíkur og segir Reykjanesbrautina lokaða við Straumsvík.
Avery Johnson er leikstjórnandi háskólaliðs Kansas State í ameríska fótboltanum en það var þó ekki hann sem kom fjölskyldunni í fyrirsagnirnar á dögunum.
Ríkissaksóknari hefur úrskurðað að kæra á hendur starfsmönnum Vestmannaeyjabæjar vegna meðferðar á munum úr dánarbúi manns sem lést á heimili sínu í Vestmannaeyjum haustið 2023 skuli tekin til meðferðar hjá Embætti héraðssaksóknara. Kæran er frá vini hins látna og fyrirtæki vinarins vegna meintra stolinna muna sem hann segir hafa horfið við tæmingu íbúðarinnar, þar á Lesa meira
Xavi Simons hefur gefið í skyn að það hafi aldrei komið til greina að semja við lið Chelsea í sumarglugganum. Simons var orðaður við Chelsea í margar vikur en ákvað að lokum að semja við Tottenham og tóku þau skipti ekki langan tíma. Simons er öflugur miðjumaður sem kemur frá RB Leipzig en hann kostar Lesa meira
Inga Sæland, félags- og húsnæðismálaráðherra, hefur undirritað fimm reglugerðir sem allar tengjast nýju örorku- og endurhæfingarkerfi sem tekur gildi á morgun, 1. september. Frá þessu greinir félags- og húsnæðismálaráðuneytið á heimasíðu sinni.
Tryggvi Snær Hlinason er sá leikmaður sem hefur tekið flest fráköst að meðaltali til þessa á öllu Evrópumótinu í körfuknattleik.
Formaður Samtaka fyrirtækja í sjávarútvegi gerir ráð fyrir að fleiri fyrirtæki þurfi að ráðast í uppsagnir á næstunni vegna hækkunar veiðigjalda, líkt og Vinnslustöðin í Vestmannaeyjum gerði fyrir helgi. Mikilvægt sé að halda fiskvinnslunum hér á landi.
Villa í Google Maps eða óljósar vegmerkingar Vegagerðarinnar hafa valdið misskilningi meðal vegfarenda sem notast við leiðsögn frá Google, um að Reykjanesbraut sé lokuð við Straumsvík.
Tuttugu starfsmönnum flugfélagsins Play hefur verið sagt upp. Uppsagnirnar taka til starfsmanna þvert á fyrirtækið.
Leiðtogar margra af stærstu og voldugustu ríkja Asíu er saman komnir í Kína til þess að ræða samstarf ríkjanna. Xi Jinping, forseti Kína, og Narendra Modi, forsætisráðherra Indlands, brostu sínu breiðasta þegar þeir tókust í hendur fyrir tvíhliða fund þeirra í morgun. Þessar fjölmennustu þjóðir veraldar hafa þó verið allt annað en vinir síðustu ár og keppst um áhrif í suðurhluta Asíu. Til mannskæðra átaka kom meira að segja þeirra í milli árið 2020 vegna deilna um landamæri ríkjanna. Þýða hefur orðið síðan í fyrra, þegar Modi og Xi hittust í fyrsta sinn í fimm ár. „Hagsmunir tveggja komma átta milljarða íbúa beggja landa eru beintengdir samvinnu okkar,“ sagði Modi við Xi, sem tók í svipaðan streng og sagði að Indland og Kína ættu að vera samherjar, ekki andstæðingar. Fundur þeirra er hluti af ráðstefnu Sjanghæ-samstarfsvettvangsins, sem Kínverjar fara fyrir. Aðild eiga Kína, Indland, Rússland, Pakistan, Íran, Kasakstan, Kyrgystan, Tajikistan, Úsbekistan og Belarús, auk 16 annarra ríkja sem eru áheyrnarfulltrúar. Xi hefur gjarnan notað þennan vettvang til að sýna út á við að Kínverjar séu leiðandi afl í þessum heimshluta. Kínverjar og Rússar hafa meira að segja sagt að Sjanghæ-samstarfsvettvangurinn sé eins konar andsvar við NATÓ, þótt hið fyrrnefnda sé ekki varnarbandalag. Ráðstefnan fer fram í hafnarborginni Tianjin að þessu sinni. Þangað kom Pútín Rússlandsforseti í morgun í fylgd stórrar viðskiptasendinefndar. Erdogan, forseti Tyrklands, lenti einnig í Tianjin í morgun og eiga þeir tveir tvíhliða fund á morgun um stríðið í Úkraínu. Stjórnvöld í Moskvu tilkynntu í gær að Pútín hygðist heimsækja áðurnefndan Modi til Indlands í desember. Samband þeirra er sagt vera á uppleið eftir að Indverjar fóru að kaupa rússneska olíu í meiri mæli og eftir að Trump Bandaríkjaforseti setti á tugprósenta toll á Indland, meðal annars fyrir rússnesk olíukaup.
Ísland er friðsælasta land í heimi samkvæmt nýjustu úttekt stofnunarinnar Institute for Economics and Peace (IEP). Stofnunin hefur gefið út friðarstuðul sinn, Global Index for Peace, frá árinu 2008. Ísland hefur vermt toppsætið allar götur frá því að listinn var fyrst tekinn saman. Þetta er því átjánda árið í röð sem landið hlýtur þessa nafnbót. Í skýrslunni segir að einkunn Íslands hafi batnað um 2% á milli ára. Þó lækkar einkunn landsins í einum undirlið friðarstuðulsins, þeim er snýr að útgjöldum til hernaðar- og varnarmála. Stofnunin IEP segir Ísland fá framúrskrandi einkunn í þremur helstu flokkum friðarstuðulsins, þá helst í þeim sem tekur til yfirstandandi átaka. Þar fær landið fullkomna einkunn, 1,000, sem er til marks um það að Ísland á ekki aðild að neinum hernaðarátökum, hvorki innanlands né utan. Með afgerandi forystu IEP segir Ísland vera sannan leiðtoga á sviði friðar. Það sýni sterkar stofnanir landsins, lág glæpatíðni, lágmarks hervæðing landsins og mikið samfélagslegt traust. Landið er ekki bara það friðsælasta, heldur einnig það öruggasta. Í öðru sæti listans yfir friðsælustu lönd heims er Írland, rétt eins og í fyrra. IEP vekur athygli á því að munur á einkunnum landanna í tveimur efstu sætunum sé jafn mikill og á milli landanna í 2. og 10. sæti, svo afgerandi er forysta Íslands á listanum. Einkunn Íslands er 1,095 en Írlands 1,260. Svíar og Norðmenn langt á eftir frændþjóðunum Í næstu sætum á eftir Írlandi koma Nýja-Sjáland, Austurríki og Sviss. Meðal Norðurlandanna fær Danmörk bestu einkunnina á eftir Íslandi. Danir sitja í 8. sæti listans og falla niður um eitt sæti á milli ára. Finnar eru í 10. sæti listans. Nokkuð langt á eftir sitja Norðmenn í 32. sæti og Svíar í 35. sæti. Alls eru 163 ríkjum gefin einkunn á friðarstuðlinum. Í neðsta sæti sitja Rússar. Þeir fá einkunnina 3,441 á friðarstuðli IEP. Með litlu skárri einkunn er Úkraína og í þriðja neðsta sæti listans situr Súdan. Í skýrslu IEP segir að friður á heimsvísu haldi áfram að minnka. Vígbúnaður á heimsvísu hafi aukist samhliða aukinni spennu á alþjóðasviðinu. Í nærri tvo áratugi hefur hægt á vígvæðingu ríkja heims, að því er segir í skýrslunni, en nú hefur sú þróun snúist við. Þá hafa átök víða brotist út. Samkvæmt skýrslunni eiga 78 ríki á listanum í átökum sem ná út fyrir landamæri þeirra. Skýrslu IEP má nálgast hér.
Mbl 
Vísir 
Viðskiptablaðið 
DV 
Fréttastofa RÚV