Add source Login
Gagnrýna óljósa fjármögnun og ónæga aðkomu launafólks

Gagnrýna óljósa fjármögnun og ónæga aðkomu launafólks

Engin raunveruleg trygging er fyrir því að aðgerðaáætlun í loftslagsmálum verði hrint í framkvæmd meðan engar skuldbindingar er að finna um fjármögnun hennar. Þetta segja fjögur samtök launafólks í sameiginlegri umsögn sinni um frumvarp til laga um loftslagsmál. Jóhann Páll Jóhannsson, umhverfis-, orku- og loftslagsráðherra, setti frumvarp sitt í samráðsgátt til kynningar í sumarbyrjun. Markmiðið er setning nýrra heildarlaga um loftslagsmál. Alþýðusamband Íslands, BHM, BSRB og Kennarasamband Íslands skila sameiginlegri umsögn um frumvarpið. Þau fagna því að meginreglan sé að tryggja afkomu launafólks og verja vinnumarkaðstengd réttindi þess auk þess sem loftslagsbreytingar eigi ekki að leiða til aukins ójöfnuðar. Samtökin gera þó ýmsar athugasemdir. Ein er sú að fjármögnun aðgerðaáætlunar sé í lausu lofti þar sem engin ákvæði sé að finna þar sem stjórnvöld skuldbindi sig til að fjármagna hana. Aðeins sé vísað til þess að hver ráðherra standi straum af aðgerðum á sínu málefnasviði eftir því sem fjárheimildir leyfa. „Slík vísun til almenns fjárhagslegs svigrúms ráðuneyta veitir enga raunverulega tryggingu fyrir því að aðgerðaáætlun verði hrint í framkvæmd.“ Samtökin gera einnig athugasemdir við að launafólk fái ekki að koma sínum sjónarmiðum á framfæri á tveimur vettvöngum þar sem fjallað er um loftslagsmál. Annar er loftslagsráð sem ráðherra leggur til að verði breytt þannig að þar sitji aðeins sérfræðingar á sviði loftslagsmála en að fulltrúar launafólks og atvinnurekenda víki úr þeim sætum sem þeir hafa haft. Þá gagnrýna þau að Grænvangur, samstarfsvettvangur stjórnvalda og atvinnulífs í loftslagsmálum, hafi allt frá upphafi árið 2019 verið án aðkomu launafólks. Þar sitji fimm fulltrúar stjórnvalda og jafn margir fulltrúar samtaka atvinnulífsins en enginn fulltrúi launafólks.

„Peningar skipta máli en þeir gera fólk hvorki merkilegt né ómerkilegt“

„Peningar skipta máli en þeir gera fólk hvorki merkilegt né ómerkilegt“

Rithöfundurinn og athafnamaðurinn Ólafur Jóhann Ólafsson hefur búið í Bandaríkjunum um árabil. Hann er á Íslandi vegna nýrrar uppfærslu Baltasars Kormáks á nýju leikverki hans. Steinunn Ása Þorvaldsdóttir ræddi við Ólaf Jóhann í þættinum Með okkar augum á RÚV. Þar spurði hún hann hvers vegna hann hefði búið svona lengi í Bandaríkjunum. „Ég fór þangað að læra 1982 þegar ég var ungur maður. Ég ætlaði bara að læra og koma svo aftur til Íslands en svo var mér boðin vinna. Ég sagðist ætla að prófa þetta í tvö ár og flutti til Kísildals í Kaliforníu. Þessi tvö ár urðu nokkuð fleiri.“ Nú flakkar hann mikið á milli Bandaríkjanna og Íslands. Hann segist ekki hræddur um að Bandaríkin séu að eyðileggjast vegna breytts pólitísks landslags. „Það þýðir ekkert annað en að vera bjartsýnn. Stundum blæs á móti og stundum er byr í seglin. En ég held að við lifum þetta nú öll af.“ Hann sé heldur ekki hræddur við Donald Trump Bandaríkjaforseta. „Ég er kannski ekki sammála honum í mörgu en ég held að með hann, þá sé svolítið mikilvægt að sjá hvað hann gerir og minna hlusta á hvað hann segir.“ Peningar skipta máli en gera fólk hvorki merkilegt né ómerkilegt Þó svo að Ólafur Jóhann hafi farið mikinn í viðskiptalífinu vestanhafs þá var skáldskapurinn aldrei langt undan. Steinunn Ása spyr hvort hann hafi nokkuð vitað hvað hann vildi verða. „Kannski vildi ég verða svo margt,“ segir hann. „Ég held ég hafi nú gert það sem mig langaði að gera. Mig langaði að skrifa og ég hef gert það. Svo langaði mig líka að stússa í fyrirtækjarekstri og vera með mörgu fólki, því þegar maður er að skrifa þá er maður bara einn með sjálfum sér og sögupersónunum sínum – en þegar maður rekur fyrirtæki, eins og ég gerði í mörg ár, þá eru margir í kringum mann.“ Hann segist hafa haft gaman af hvoru tveggja. Hann hafi starfað sem aðstoðarforstjóri Sony, svo forstjóri Advanta um skeið og svo sem aðstoðarforstjóri Time Warner Digital Media til ársins 2018. Þó svo að hann hafi efnast vel segir hann það ekki hafa breytt sér. „Peningar eru ekki mælikvarði á neitt í rauninni. Þeir sem segja að peningar skipti ekki máli hafa aldrei þurft að hafa fyrir því að láta enda ná sama, eiga fyrir húsaleigu í lok mánaðar og svo framvegis,“ segir Ólafur Jóhann. „Peningar skipta máli, við vitum það öll. Við þurfum öll að greiða okkar reikninga. En þeir gera hvorki fólk merkilegt né ómerkilegt.“ Ólafur Jóhann ólst upp á miklu bókmenntaheimili enda sonur eins dáðasta rithöfundar þjóðarinnar, Ólafs Jóhanns Sigurðssonar, og Önnu Jónsdóttur húsfreyju. „Það var bara yndislegt. Pabbi var rithöfundur og það var mikið af skáldum og rithöfundum á heimilinu þegar ég var strákur.“ „Ég byrjaði strax að hlusta á hvað fólk hafði að segja, byrjaði snemma að lesa og lesa bækur og hafa áhuga á þessu. Það var bara hluti af uppeldinu og mjög ánægjulegt.“ „Þetta er svona drama en vonandi gaman líka“ Auk þess að skrifa skáldsögur, smásögur og ljóð skrifar Ólafur Jóhann líka leikrit. Nýjasta leikverk hans, Íbúð 10B, verður sýnt í Þjóðleikhúsinu og er sagt vera ögrandi og meinfyndið. Steinunn Ása telur ólíklegt að það hafi orðið til af sjálfu sér. „Nei, það svona skaut upp kollinum. Maður fær einhverja hugmynd og svo fer hún að vaxa. Svo fer hún í ýmsar áttir og fellir þetta allt saman. Þegar þetta er búið að gerjast þá byrjar maður að skrifa, það er svona meðgöngutími.“ Verkið fjallar um íbúa í glæsilegu fjölbýli Reykjavíkur sem hittast til að leggja á ráðin um viðbrögð við því að einn eigandinn ætli að breyta lúxusíbúð sinni í gistiheimili fyrir hælisleitendur. Á borðum eru góðir ostar og vín, en notaleg kvöldstund snýst brátt upp í harðvítug átök þar sem lögmál frumskógarins gilda undir kurteislegu yfirborðinu. Ólafur Jóhann segist spenntur fyrir ferlinu, það verði gaman að sjá verkið lifna við á sviði. Hann segist vona að verkið sé bæði dramatískt og spennandi, að fólk vilji sjá hvað gerist næst. „Þetta er svona drama en vonandi gaman líka.“ „Ég held að ég sé bara sami guttinn“ Ólafur Jóhann á að baki langan feril en telur sig þó vita hver hann er í dag. „Það er sagt stundum að mikilvægast sé að þekkja sjálfan sig. Það er grundvöllurinn fyrir því að maður skilji eitthvað annað.“ „Ég held að ég sé bara sami guttinn og ólst upp á Suðurgötu í Reykjavík á sjöunda og áttunda áratugnum. Þá var ég svolítið ódæll en ég fel það betur núna. Ég held að ég sé alveg sami náunginn samt.“ Það besta sem lífið gefi honum séu tækifæri til að njóta samvistar við gott fólk og náttúruna og láta gott af sér leiða. Hann vilji líka reyna að koma einhverju í verk. Með árunum finni hann hvað skipti hann máli og hvað ekki. Eftir því sem hann eldist þá verði það einfaldara og augljósara hvað það sé sem skipti hann mestu máli og það séu vinirnir og fjölskyldan. „Kannski einhver verkgleði líka, að geta sent eitthvað frá sér, skapað eitthvað, búið eitthvað til sem vonandi aðrir hafa ánægju af og vekur til umhugsunar.“ Rithöfundurinn Ólafur Jóhann segir það ekki hafa breytt sér að efnast, hann sé enn þá sami guttinn sem ólst upp á Suðurgötu í Reykjavík. Hann eigi langan feril að baki og viti hver hann er og hvað skiptir hann máli: samvera og láta gott af sér leiða. Rætt var við Ólaf Jóhann Ólafsson í Með okkar augum á RÚV. Hægt er að finna þáttinn í spilaranum hér fyrir ofan.

Segir að skipun Ólafs boði nýja tíma í vinnubrögðum á Alþingi – „Þarna fannst mér sleginn allt annar tónn“

Segir að skipun Ólafs boði nýja tíma í vinnubrögðum á Alþingi – „Þarna fannst mér sleginn allt annar tónn“

„Þessi breyting á þingflokksformanni eru mestu tíðindin sem hafa orðið í íslenskri pólitík nú síðsumars. Ekki kannski bara það að það hafi verið skipt um þingflokksformann heldur hefur hinn nýi þingflokksformaður Ólafur Adolfsson talað með afar skýrum hætti um það að hann vilji gjörbreyta vinnubrögðum Sjálfstæðisflokksins í stjórnarandstöðunni,“ sagði Ólafur Harðarson, prófessor í stjórnmálafræði, í Lesa meira

Er Trump dauðavona? Þetta sagði hann um orðróminn í gær

Er Trump dauðavona? Þetta sagði hann um orðróminn í gær

Undanfarna daga hafa furðulegar sögusagnir og samsæriskenningar verið á kreiki um heilsu Donalds Trump Bandaríkjaforseta. Þessar kenningar hafa gengið mislangt og héldu sumir því fram að hann væri með lífsógnandi sjúkdóm og á meðan aðrir sögðu að forsetinn væri látinn. Trump, sem er 79 ára, blés á þessar kenningar í færslu á samfélagsmiðli sínum Truth Lesa meira

Borgin áætlar 260 milljóna kostnað vegna borgarstjórnarkosninganna

Borgin áætlar 260 milljóna kostnað vegna borgarstjórnarkosninganna

Sveitastjórnarkosningar fara fram laugardaginn 16. maí og er víða hafinn undirbúningur vegna þeirra. Á síðasta fundi borgarráðs Reykjavíkur var samþykkt erindi frá skrifstofu borgarstjórnar þar sem óskað var eftir því að ráðið feli sviðum borgarinnar að hefja vinnu við þau verkefni sem tengjast kosningunum í borginni. Í Reykjavík verða kosnir 23 borgarfulltrúar til fjögurra ára sem allir munu taka sæti...

„Ég sé fyrir mér sólina vera að koma upp fyrir okkur öryrkja“

„Ég sé fyrir mér sólina vera að koma upp fyrir okkur öryrkja“

„Maður verður bljúgur og ótrúlega þakklátur öllu því fólki sem hefur verið að leggjast á árarnar við það að gera þetta að veruleika,“ sagði Inga Sæland, félags- og húsnæðismálaráðherra, á kynningarfundi ráðuneytisins um breytingar á örorku- og endurhæfingarkerfinu sem taka gildi í dag. „Þessi vinna var hafin áður og undirbúningur að þessu fallega kerfi af fyrirrennara mínum og fólkinu í ráðuneytinu,“ benti Inga á, rétt eins og Guðrún Hafsteinsdóttir, formaður Sjálfstæðisflokksins, benti á í aðsendri grein á Vísi í morgun. Guðrún rifjar upp að Flokkur fólksins hafi setið hjá í lokaatkvæðagreiðslu um lög um breytingar á örorkukerfinu í júní í fyrra. „Nú kynnir félags- og húsnæðisráðherra úr þeim flokki reglugerðir sem hrinda kerfinu í framkvæmd. Það er gott að fleiri taki undir í dag og ráðherranum hafi snúist hugur, en upprunalegt frumkvæði, heildstæð stefna og áralöng barátta liggja hjá Sjálfstæðisflokknum,“ skrifar Guðrún. Breytingar á örorku- og endurhæfingarkerfinu snerta hátt í 30 þúsund manns. Flestir fá hærri greiðslur í nýja kerfinu. Tryggingastofnun greiddi 1.200 milljónum meira í örorku- og endurhæfingarlífeyrisþega í dag en um síðustu mánaðamót, að því er segir í tilkynningu frá félagsmálaráðuneytinu. Í breytingunum er meðal annars tekið upp samþætt sérfræðimat og fallið frá læknisfræðilegu örorkumati. Í því felst að gert er heildrænt mat á lífeyrisþeganum og færni sem hann metur meðal annars sjálfur. Þá er geta viðkomandi á vinnumarkaði metin. Breytingarnar eiga að koma í veg fyrir að fólk lendi á milli kerfa Inga segir breytingarnar einnig eiga að koma í veg fyrir að fólk lendi á milli kerfa. „Við erum að tryggja það að þessir einstaklingar munu strax ganga inn á endurhæfingarlífeyrinn ef þau hafa verið metin til starfsendurhæfingar. Það er eitt risaskref.“ Það er mannauður í öryrkjum Inga segir nýtt kerfi einstaklingsmiðaðra. „Við munum svara hverjum og einum eftir hans þörfum. Ég sé fyrir mér sólina vera að koma upp fyrir okkur öryrkja. Við viljum hjálpa öllum að komast í virkni, við viljum gera lífið svo miklu betra. Það er mannauður í öryrkjum eins og öllum öðrum. Nú er komið að þeim að taka þátt í fallega samfélaginu okkar.“

Inga Sæland: Sólin að koma upp fyrir öryrkja

Inga Sæland: Sólin að koma upp fyrir öryrkja

„Maður verður bljúgur og ótrúlega þakklátur öllu því fólki sem hefur verið að leggjast á árarnar við það að gera þetta að veruleika,“ sagði Inga Sæland, félags- og húsnæðismálaráðherra, á kynningarfundi ráðuneytisins um breytingar á örorku- og endurhæfingarkerfinu sem taka gildi í dag. „Þessi vinna var hafin áður og undirbúningur að þessu fallega kerfi af fyrirrennara mínum og fólkinu í ráðuneytinu,“ benti Inga á, rétt eins og Guðrún Hafsteinsdóttir, formaður Sjálfstæðisflokksins, benti á í aðsendri grein á Vísi í morgun. Guðrún rifjar upp að Flokkur fólksins hafi setið hjá í lokaatkvæðagreiðslu um lög um breytingar á örorkukerfinu í júní í fyrra. „Nú kynnir félags- og húsnæðisráðherra úr þeim flokki reglugerðir sem hrinda kerfinu í framkvæmd. Það er gott að fleiri taki undir í dag og ráðherranum hafi snúist hugur, en upprunalegt frumkvæði, heildstæð stefna og áralöng barátta liggja hjá Sjálfstæðisflokknum,“ skrifar Guðrún. Breytingar á örorku- og endurhæfingarkerfinu snerta hátt í 30 þúsund manns. Flestir fá hærri greiðslur í nýja kerfinu. Tryggingastofnun greiddi 1.200 milljónum meira í örorku- og endurhæfingarlífeyrisþega í dag en um síðustu mánaðamót, að því er segir í tilkynningu frá félagsmálaráðuneytinu. Í breytingunum er meðal annars tekið upp samþætt sérfræðimat og fallið frá læknisfræðilegu örorkumati. Í því felst að gert er heildrænt mat á lífeyrisþeganum og færni sem hann metur meðal annars sjálfur. Þá er geta viðkomandi á vinnumarkaði metin. Breytingarnar eiga að koma í veg fyrir að fólk lendi á milli kerfa Inga segir breytingarnar einnig eiga að koma í veg fyrir að fólk lendi á milli kerfa. „Við erum að tryggja það að þessir einstaklingar munu strax ganga inn á endurhæfingarlífeyrinn ef þau hafa verið metin til starfsendurhæfingar. Það er eitt risaskref.“ Það er mannauður í öryrkjum Inga segir nýtt kerfi einstaklingsmiðaðra. „Við munum svara hverjum og einum eftir hans þörfum. Ég sé fyrir mér sólina vera að koma upp fyrir okkur öryrkja. Við viljum hjálpa öllum að komast í virkni, við viljum gera lífið svo miklu betra. Það er mannauður í öryrkjum eins og öllum öðrum. Nú er komið að þeim að taka þátt í fallega samfélaginu okkar.“