Real Madrid hefur áhuga á Dayot Upamecano, miðverði Bayern Munchen. Þýska blaðið Bild segir frá. Samningur hins 25 ára gamla Upamecano rennur út eftir ár og gengur Bayern illa að semja við hann vegna launakrafa, þó félagið vilji halda honum. Real Madrid er þekkt fyrir að fá samningslausa leikmenn frítt og er það nákvæmlega planið Lesa meira
„Ætti ég að leyfa hjartanu að ráða för en eiga þá í hættu að sonur minn hætti að tala við mig?“ Svona hefst bréf 45 ára móður til sambandsráðgjafa The Sun, Sally Land, sem skrifar fyrir Dear Deidre dálkinn vinsæla. Konan er fráskilin og á 22 ára son. Hann flutti nýlega erlendis vegna vinnu en Lesa meira
Jón Axel Guðmundsson landsliðsmaður í körfuknattleik segir að íslensku leikmennirnir séu búnir að hrista algjörlega af sér ósigurinn gegn Ísrael í fyrstu umferðinni á EM í Katowice í gær.
FH-ingar slógu til stórveislu í Kaplakrika í kvöld. Aron er borinn og barnfæddur FH-ingur og sleit þar barnskónum þar til atvinnumennskan tók við. Eftir glæstan feril með Kiel, Veszprem, Barcelona og Álaborg sneri hann heim og varð Íslandsmeistari með FH vorið 2024. Veszprem hóaði svo aftur í kappann á síðustu leiktíð og fóru skórnir svo á hilluna í vor. Ferill Arons á sér engin fordæmi í íslenskri handboltasögu. Hann vann Meistaradeildina þrisvar; tvisvar með Kiel og einu sinni með Barcelona. Hann varð 14 sinnum landsmeistari með liðunum fjórum sem hann lék með á ferlinum og 9 sinnum bikarmeistari. Landsleikirnir urðu 182 og mörkin 695. Hann er 10. markahæsti landsliðsmaður Íslands frá upphafi. Nánari umfjöllun um kveðjuleik Arons verður í íþróttafréttum RÚV kl. 19:25 á morgun, laugardag.
Fjórir nýir fagstjórar hafa verið ráðnir til Kvikmyndaskóla Íslands sem hefur fengið framtíðarhúsnæði í kvikmyndaveri Stúdíó Sýrlands. Í mars á þessu ári varð Kvikmyndaskóli Íslands gjaldþrota og tvísýnt var um framtíð hans. Rafmennt, fræðslusetur rafiðnaðarins, steig inn, keypti skólann og tók við rekstrinum. Haustönn Kvikmyndaskólans hefst þann 8. september og verður komandi skólavetur sá fyrsti á vegum Rafmenntar. Gjaldskrá skólans hefur verið uppfærð og skólagjöldin lækkuð um rúman helming. Þau voru áður 790 þúsund krónur en eru nú 390 þúsund krónur. Í sumar gerði Kvikmyndaskóli Íslands samning við mennta- og barnamálaráðuneytið um stuðning en skólinn hefur á ný fengið viðurkenningu sem einkaskóli á framhaldsskólastigi. Hann er því aftur orðinn lánshæfur hjá Menntasjóði Námsmanna. Reynsluboltar úr íslenskri kvikmyndagerð Fjögur fagsvið Kvikmyndaskóla Íslands eru leiklist, leikstjórn og framleiðsla, skapandi tækni og handrit og leikstjórn. Gunnar Björn Guðmundsson fer fyrir fagsviðum leikstjórnar og framleiðslu og handrita og leikstjórnar, ásamt Hafsteini Gunnari Sigurðssyni. Báðir hafa þeir reynslu af handritsskrifum og kvikmyndaleikstjórn. Gunnar Björn gerði sem dæmi kvikmyndirnar Astrópíu, Gauragang og Ömmu Hófí. Hafsteinn hefur meðal annars leikstýrt kvikmyndunum Undir trénu, París norðursins og Northern Comfort en hann er einnig að baki sjónvarpsþáttunum Aftureldingu. Þorsteinn Bachmann, leikari, er nýr fagstjóri fagsviðs leiklistar. Þorstein þarf vart að kynna en hann hefur leikið í fjölda kvikmynda og þáttaraða, þar á meðal kvikmyndunum um hinar síðustu veiðiferðir, Djúpinu og Ljósbroti. Þá hefur hann leikið í þáttaröðum á borð við Dimmu og Kötlu og fjórðu seríu af bandarísku þáttaröðinni True Detective, sem kennd er við næturlandið. Jonathan Devaney er fagstjóri fagsviðs skapandi tækni en hann er jafnframt nýr yfirkennari Kvikmyndaskóla Íslands. Devaney hefur áratugareynslu af kvikmyndagerð og kom til að mynda að erlendu kvikmyndaverkefnunum Flags of our Fathers, Stardust, Journey to the Center of the Earth og Star Trek: Discovery sem voru með viðkomu hérlendis. „Þetta er nýr skóli byggður á gömlum og góðum grunni“ Í tilkynningu frá Kvikmyndaskóla Íslands segir að kvikmyndaver Stúdíó Sýrlands bjóði upp á mynd- og hljóðver, klippisvítur og hljóðvinnslurými. Þar hefur einnig verið settur upp bíósalur til að dýpka skilning nemenda á sjálfri upplifun kvikmyndaáhorfs. Gunnar Björn Guðmundsson, fagstjóri, segir nýtt húsnæði Kvikmyndaskólans vera til fyrirmyndar. „Aðstaðan hér í húsinu er einstaklega góð. Það er búið að vinna í allt sumar við að setja upp almennilegar stofur og aðstöðu fyrir alla nemendur af alveg topp, toppgæðum,“ segir Gunnar Björn í samtali við fréttastofu. Gunnar Björn segir umtalsverða lækkun skólagjalda stafa af uppfærðum útreikningum Rafmenntar á því hvert gjaldið yrði að vera. „Hún gengur ekki út á að það sé verið að minnka námið eða einfalda. Þetta bara reiknaðist þannig út að þetta sé tala sem nægi þeim. En það hefur alls ekki verið dregið úr gæðum námsins. Allir kennarar sem starfa hér við skólann eru starfandi atvinnumenn í kvikmyndabransanum.“ Þá segir Gunnar Björn að áfram verði kennt samkvæmt fyrri námskrá Kvikmyndaskóla Íslands. „Þetta er nýr skóli byggður á gömlum og góðum grunni. Það eru engar stórkostlegar breytingar í því.“
Fylkir tók stór skref í baráttunni um að halda sæti sínu í 1. deild karla í fótbolta er liðið sigraði HK, 2:0, á útivelli í 20. umferðinni í kvöld.
Fylkir er á hraðri leið upp töfluna í Lengjudeild karla í fótbolta eftir þriðja sigurinn í röð.
Aron Pálmarsson batt enda á langan og farsælan handboltaferil í sérstökum kveðjuleik í Kaplakrika í kvöld þar sem FH tók á móti ungverska stórliðinu Veszprém.
Um sextíu manns leita tólf ára drengs sem týndist í Ölfusborgum eða nágrenni milli Hveragerðis og Selfoss. Drengurinn er erlendur ferðamaður og því ekki kunnugur staðháttum.
Nýliðar Birmingham City töpuðu í kvöld sínum fyrsta leik í ensku b-deildinni á tímabilinu.
Marseille er að reyna að fá Oleksandr Zinchenko frá Arsenal en það verður ekki einfalt. The Athletic greinir frá. Úkraínumaðurinn virðist ekki lengur í áætlunum Mikel Arteta hjá Arsenal og er félagið til í að selja. Viðræður við Marseille eiga sér nú stað, en franska félagið vill fá hann alfarið til sín. Zinchenko þénar hjá Lesa meira
„Það er líka algjör klassík að fara í eitthvað af þessum stórfenglegu bakaríum sem París býr yfir og velja eitthvað sannkallað sælkerabakkelsi til að fara meðí pikknikk í einhvern nálægan garð.“
Leit lögreglu og björgunarsveita stendur nú yfir að 12 ára dreng í Ölfusborgum og nágrenni.
Leit lögreglu og björgunarsveita stendur nú yfir að 12 ára dreng í Ölfusborgum og nágrenni.
Serbía er með tvo sigra í tveimur leikjum á EM karla í körfubolta en serbneska liðið sigraði það portúgalska, 80:69, í kvöld. Leikurinn var liður í A-riðli, sem leikinn er í Ríga, höfuðborg Lettlands.
Lögregla og björgunarsveitir eru við leit að 12 ára dreng í Ölfusborgum og nágrenni. Þetta kemur fram í tilkynningu lögreglunnar á Suðurlandi. Drengurinn sást síðast um klukkan 16 í Ölfusborgum, orlofshúsabyggð skammt austur af Hveragerði. Drengurinn er erlendur ferðamaður og því ekki kunnugur staðháttum. Drengurinn er með dökkt, sítt hár sem bundið var í hnút. Hann klæddist svartri hettupeysu, svörtum buxum og skóm með camo mynstri. Þeir sem telja sig hafa upplýsingar um drenginn eða telja sig hafa séð til hans eru beðnir að láta lögreglu vita í síma 112. Ölfusborgir eru skammt frá Hveragerði.RÚV / Ragnar Visage
DV 
Mbl 
Fréttastofa RÚV 
Vísir