Jarðskjálfti af stærð 2,3 varð í austanverðu Ingólfsfjalli klukkan 20:14 í kvöld. Samkvæmt tilkynningu frá Veðurstofunni hafa borist nokkrar tilkynningar frá Selfossi um að skjálftinn hafi fundist í byggð. Svæðið er virkt jarðskjálftasvæði og ekki ólíklegt að eftirskjálftar fylgi í kjölfarið.
Valur vann tíu marka sigur á toppliði Aftureldingar þegar megnið af sjöttu umferð úrvalsdeildar karla í handbolta var leikin fyrir helgi.
Maður hlaut í síðustu viku fimmtán mánaða dóm skilorðsbundinn fyrir tvær líkamsárásir, aðra þeirra sérstaklega hættulega þar sem eggvopni var beitt. Þótti refsing hans fyrir Héraðsdómi Reykjavíkur hæfilega ákveðin 15 mánuðir skilorðsbundið.
Einar Jóhannes Guðnason, varaþingmaður Miðflokksins, sækist eftir því að leiða lista flokksins í Kópavogi í komandi sveitarstjórnarkosningum.
Írska karlalandsliðið í fótbolta, sem Heimir Hallgrímsson þjálfar, á enn von um að komast á HM eftir torsóttan 1-0 sigur gegn Armeníu í Dublin í kvöld.
Englendingar tryggðu sér í kvöld sæti á HM næsta sumar, þegar mótið fer fram í Bandaríkjunum, Mexíkó og Kanada. England tryggði sér HM-sætið með öruggum 5-0 sigri gegn Lettlandi í Riga.
Tindastóll mætir norska liðinu Gimle í 2. umferð ENBL-deildarinnar í körfubolta klukkan 19.15 í Síkinu á Sauðárkróki.
Áhugaverð orðaskipti áttu sér stað á milli Snorra Mássonar, þingmanns Miðflokksins, og Loga Einarssonar, menningar-, nýsköpunar- og háskólaráðherra, í óundirbúnum fyrirspurnartíma á Alþingi í dag. Þar virðist Snorri hafa komist óheppilega að orði sem olli því að ráðherra taldi að þingmaðurinn væri að biðja hann um að skipta sér af dagskrárgerð Ríkisútvarpsins. Snorri beindi fyrirspurn Lesa meira
Lúxusvilla Lionel Messi á Ibiza stendur nú frammi fyrir mögulegri niðurrifshættu vegna brota á skipulagsreglum. Argentínska ofurstjarnan keypti eignina árið 2022 af svissneska athafnamanninum Philippe Amon fyrir um 9,5 milljónir punda. Húsið stendur á vesturströnd eyjunnar, í bænum Sant Josep de Sa Talaia, en hefur átt í ýmsum lagalegum vandamálum síðan. Samkvæmt spænska dagblaðinu ABC Lesa meira
Landsliðsmaðurinn Kristján Örn Kristjánsson, eða Donni, skoraði fjögur mörk í kvöld þegar Skanderborg AGF vann sigur gegn Granollers á Spáni, 31-26, í fyrsta leik sínum í riðlakeppni Evrópudeildarinnar í handbolta.
Skjálfti af stærðinni 2,3 varð undir Ingólfsfjalli á Suðurlandi klukkan 20:14. Veðurstofunni hafa borist nokkrar tilkynningar um að skjálftinn hafi fundist á Selfossi. Elísabet Pálmadóttir náttúruvársérfræðingur segir að þó skjálftinn hafi ekki verið stór hafi hann fundist vegna þess hve nálægt byggð hann varð, auk þess sem upptökin voru aðeins á um eins kílómetra dýpi. Elísabet segir skjálftann hafa orðið á þekktu skjálftasvæði. Einhverjir minni eftirskjálftar geti orðið. Fréttin verður uppfærð.
Breyta þarf stjórnarskránni ef hrófla á við ákvæðum um líftíma þingmála segir forseti Alþingis, og það hafi ekki reynst létt verk. Öll mál sem ekki ná afgreiðslu að vori á Alþingi þarf að leggja fram aftur og hefja þinglega meðferð á ný frá byrjun. Víðast hvar á öðrum Norðurlöndum er fyrirkomulagið einfaldara. Ræðutími þingmála stundum ótakmarkaður Þórunn Sveinbjarnardóttir forseti Alþingis leggur áherslu á að ef breyta eigi þessu kerfi þá þurfi að breyta stjórnarskrá lýðveldisins og það hafi ekki gengið vel síðustu árin að breyta henni. Lagafrumvörp sem eru lögð fram á Alþingi fara í gegnum þrjár umræður. Í fyrstu umræðu er ræðutími takmarkaður, í annarri umræðu er hann nánast ótakmarkaður og svo takmarkaður í þriðju. Frumvörp fara til fagnefndar þingsins að lokinni nánast hverri umræðu, leitað er eftir umsögnum og þær sendar inn til þingsins. Lokaatkvæðagreiðsla um afgreiðslu málsins er svo að lokinni þriðju umræðu. Þingsályktunartillögur eru ræddar við tvær umræður. Ræðutími er takmarkaður við fyrri umræðu en nánast ótakmarkaður í síðari - eins og við aðra umræðu lagafrumvarpa. Þær ganga líka til nefnda og leitað er umsagna. Gríðarlegur fjöldi tillagna er lagður fram ár eftir ár eftir ár. Bryndís Haraldsdóttir fyrsti varaforseti Alþingis og þingmaður Sjálfstæðisflokks segir að þegar hún hafi fyrst komið á þing hafi henni fundist þetta kerfi mjög ankannalegt og þessu þyrftir nauðsynlega að breyta. Hún hafi hins vegar lært að þessu kerfi fylgi líka kostir, þingmálin fái tækifæri til að þroskast og taka breytingum. Tökum sem dæmi bókun 35 Frumvarpið um bókun 35 var fyrst lagt fram í mars 2023 og málið dagaði uppi í nefnd í apríl sama ár. Málið var aftur lagt fram í febrúar á þessu ári og þegar þingfundum var frestað í sumar hafði það verið rætt í 50 klukkustundir án afgreiðslu. Það var lagt aftur fram núna í september, fyrstu umræðu er lokið og nú er málið komið á ný til umfjöllunar í utanríkismálanefnd. Einfaldara kerfi víðast annars staðar á Norðurlöndunum Í Danmörku er svipað kerfi og hér á landi, þingmál falla niður við lok hvers löggjafarþings. Í Noregi er almenna reglan sú að þingmál geti lifað út kjörtímabilið. Í Svíþjóð verður að afgreiða þingmál á því kjörtímabili sem það er lagt fram á og í Finnlandi getur meðferð þingmáls haldið áfram á næsta löggjafarþingi. Breyta þarf stjórnarskránni ef hrófla á við ákvæðum um líftíma þingmála segir forseti Alþingis, og það hafi ekki reynst létt verk. Öll mál sem ekki ná afgreiðslu að vori á Alþingi þarf að leggja fram aftur og hefja þinglega meðferð á ný frá byrjun. Skoða verði út í ystu æsar ef það á að breyta Forseti Alþingis segir meðferð mála á Alþingi skapa ákveðna tvítekningu og útilokar ekki breytingar. „En áður en að það gerist þá verðum við öll að skilja hvers vegna hvert frumvarp þarf þrjár umræður og hvers vegna þetta hefur verið svona og það kann að virðast við fyrstu sýn að það ætti að breyta þessu en það þarf hins vegar að skoða það út í æsar,“ segir Þórunn. Bryndís leggur áherslu á vandvirkni þingsins. „Heilt yfir þá sé ég marga kosti við þetta líka og ég er eiginlega komin á þá skoðun að skilvirkni á ekki endilega að vera eitthvert lykilatriði þegar við erum að fjalla um þingstörfin það á miklu frekar að vera vandvirkni og svo megum við heldur ekki gleyma því að þingið er líka málstofa,“ segir Bryndís Haraldsdóttir.
Meirihlutinn er fallinn ef marka má könnun sem Gallup framkvæmdi fyrir Viðskiptablaðið. Vinstri grænir ná engum manni inn og Sósíalistar tapa einum.
Portúgalska stórliðið Porto vann öruggan sigur á Íslands- og bikarmeisturum Fram í fyrsta leik liðanna í Evrópudeild karla í handbolta í Framhúsinu í Úlfarsárdal í kvöld, 38:26,. Porto er því komið með tvö stig en Fram er án stiga.
Einar Jóhannes Guðnason, varaþingmaður Miðflokksins, sækist eftir því að leiða lista Miðflokksins í Kópavogi í sveitarstjórnarkosningunum í vor.
Eve Braslis átti stórleik fyrir nýliða KR þegar liðið hafði betur gegn Stjörnunni í 3. umferð úrvalsdeildar kvenna í körfubolta í Ásgarði í Garðabæ í kvöld.
DV 
Mbl 
Vísir 
Fréttastofa RÚV 
Viðskiptablaðið