Páll Kristjánsson, verjandi Stefáns Blackburn, segir umbjóðanda sinn ekki hafa fegrað sinn hlut þegar hann bar vitni í Gufunesmálinu svokallaða þar sem hann er ákærður. Hann hafi játað „hrikalega“ háttsemi og lýst henni með ítarlegum hætti. Þrátt fyrir það ætti að sakfella hann fyrir líkamsárás, en ekki manndráp.
Páll Kristjánsson, verjandi Stefáns Blackburns, gerir þær kröfur að Stefán verði sýknaður af ákæru um manndráp. Hann hefði greint ítarlega frá sinni þátttöku í málinu fyrir dómi og ekki fegrað hlut sinn. Ofbeldið sem hann beitti brotaþola hafi ekki leitt til dauða hans.
Þýska knattspyrnufélagið Stuttgart hefur samþykkt 70 milljóna punda, 11,6 milljarða íslenskra króna, tilboð enska félagsins Newcastle United í þýska sóknarmanninn Nick Woltemade.
Verjandi Stefáns Blackburn krefst þess að umbjóðandi sinn verði sýknaður af ákæru um manndráp í Þorlákshafnarmálinu svokallaða, þar sem Hjörleifur Haukur Guðmundsson lést eftir að hafa verið numinn á brott á heimili sínu 10, mars, misþyrmt og skilinn eftir fáklæddur í Gufunesi þar sem hann fannst illa leikinn daginn eftir og lést skömmu síðar. Gerð er sú krafa að Stefáni verði gerð vægasta mögulega refsing og gæsluvarðhald dregið frá. Verjandinn, Páll Kristjánsson, segir 6-8 ára vera hæfilegan tíma. Þá krefst Páll lækkunar á einkaréttarkröfum sem ekkja og sonur Hjörleifs heitins gera á hendur Stefáni og þremur öðrum sakborningum og að málskostnaður verði, að minnsta kosti að hluta, greiddur af ríkissjóði. Síðasti dagur aðalmeðferðar málsins er í dag. Saksóknari hefur þegar flutt mál sitt og lögmenn ekkju og sonar sem fara fram á bætur frá fjórum af fimm sakborningum í málinu. Páll er fyrsti verjandinn til að flytja mál sitt. Ákæruvaldið lagði til fyrr í morgun að Stefáni verði gerð að minnsta kosti 16 ára hámarksrefsing fyrir manndráp, frelsissviptingu, fjárkúgun og rán og leggur til sömu viðurlög fyrir Lúkas Geir Ingvarsson sem er ákærður fyrir sömu brot. Lögð er til sama refsing fyrir þann þriðja sem ákærður er fyrir það sama - Matthías Björn Erlingsson en lagt til að litið verði til ungs aldurs hans. Saksóknari lagði til svokallaða viðbót á refsingu Stefáns og Lúkasar - þ.e. sem gæti verið allt að fjögur ár til viðbótar þeim 16 sem hámarksrefsing kveður á um. Stefán hefur gengist við þremur síðustu ákæruliðunum, en segist saklaus af manndrápi. Páll sagðist hafa haft ákveðna samúð með ákæruvaldinu við að hafa þurft að smíða ákæruna. Í ljósi framburðar Stefáns væri eðlilegast að endurskoða ákæruna. Hann sagði Stefán hafa verið fúsan til að gefa upplýsingar, bæði um eigin hlut og annarra í málinu. Einhverskonar gigg - auðveldur peningur Hann lýsti persónulegum högum Stefáns, hann hefði verið edrú í átta ár og fallið með þeim hörmulegu afleiðingum sem hann væri nú í réttarsal fyrir. Hann væri fjölskyldumaður í fastri vinnu. Hann hefði engin tengsl við brotaþola, en hefði blandast inn í málið að beiðni Lúkasar sem hefði að mestu skipulagt málið. „Einhverskonar gigg - auðveldur peningur,“ sagði verjandinn. Hann sagði hlutverk Stefáns hafa verið að veita aðförinni að Hjörleifi „meiri þunga.“ Páll sagði umbjóðanda sinn hafa talið Hjörleif heitinn vera barnaníðing. „En það stóð aldrei til að ráða manni bana.“ Hann sagði að hafi hegðun Hjörleifs breyst undanfarin misseri vegna framheilaskaða og orðið hömlulausari en áður, eins og fram hefur komið í aðalmeðferð málsins síðustu daga, þá hefði umbjóðandi sinn ekki haft neinar forsendur til að átta sig á ástæðu hegðunarinnar. „Þetta var auðveldur peningur, þarna átti að fara í gigg og þarna raungerðust áhyggjur sem hafa komið fram um að aðgerðir í tálbeitumálum myndu enda með mannsláti,“ sagði Páll. Segir Stefán trúverðugan „Það er óumdeilt að Stefán hefur fyrir dómi gengist við grófu ofbeldisbroti,“ sagði Páll og vísaði þar í að Stefán greindi frá því í vitnisburði sínum á fyrsta degi aðalmeðferðar að hann hefði brotið hönd Hjörleifs. „Það er einstakt, hann er ekkert að fegra sinn hlut. Hann segir ítarlega hvað hann gerði. En getur það valdið bana? Nei. Getur það valdið örkumlum? Já. En ekki bana, og um þetta snýst þetta mál.“ Páll gerði að umtalsefni ýmislegt sem hann taldi hafa farið forgörðum við rannsókn málsins. Til dæmis hefði fingrafararannsókn verið ábótavant, þá hefði ekki verið rannsakað nægilega vel hvort og hvaða áhöldum hefði verið beitt í árásinni og hvernig þau kæmu heim og saman við áverka. Þá ræddi hann nokkuð að framburður þeirra Stefáns og Lúkasar Geirs Ingvarssonar hefur verið nokkuð samhljóða, en öðru máli gegni um framburð þess þriðja sem er ákærður fyrir manndráp: Matthíasar Björns Erlingssonar. „Stefán er trúverðugur. Lúkas er trúverðugur. En Matthías er ekki trúverðugur,“ sagði Páll. Sagði mannslát slæmt fyrir bissnessinn Hann sagði að það versta sem gæti komið fyrir menn sem stunduðu „jaðarvinnu“, eins og hann orðaði það og átti þar við ýmist ólöglegt athæfi, væri mannslát. „Það er vont fyrir bissnessinn.“ „Hafi átt að valda bana - afhverju var þá vopnum ekki beitt? Hvaða tilgangi þjónaði það að taka niðurlægjandi myndband af Hjörleifi? Það er vegna þess að tilgangurinn var að fá hjá honum fé, ekkert annað.“ Páll hélt áfram að spyrja spurninga og svara þeim jafnóðum sjálfur: „Af hverju kláruðu menn ekki manndrápið og földu líkið? Af hverju skildu þeir það eftir? Af hverju hringdu þeir ekki á bráðalið eða lögreglu? Það er vegna þess að þeir töldu hann ekki í lífshættu.“ Hann sagði ekki hægt að sanna, og það hefði ekki verið sannað, að umbjóðandi hans hefði valdið þeim áverkum sem leiddu til andláts Hjörleifs. Í því sambandi rifjaði hann upp ýmsa dóma og dómafordæmi. Verjandinn sagði rannsókn reista á sandi Páll sagði undir lok ræðu sinnar, sem varði í um klukkustund, að með réttu ætti að sakfella Stefán fyrir þau brot sem hann hafi gengist við. Annað ekki. Hann sagði umbjóðanda sinn iðrast gjörða sinna. „En hvað á hann að gera? Koma í blaðaviðtal og biðjast afsökunar?“ Að síðustu ræddi hann rannsókn lögreglu sem hann fann ýmsa vankanta á. Allur fókus hefði farið í að draga gerendur að borðinu, en þar hefði lögregla látið staðar numið. Látið hefði verið hjá líða að rannsaka ýmsa þætti. „Afhverju var rannsóknin ekki kláruð,“ spurði Páll. „Rannsóknin er flott, en hún er reist á sandi. “ „Manndráp er alltaf hrottalegt, en þetta mál er ekki hrottalegra en önnur manndrápsmál,“ sagði verjandinn.
Ráðherra bregst við eftir hneykslismál Ditte sem fékk 10 milljóna króna reikning frá skattinum fyrir óinnleystan hagnað.
„Við höfum talað um að nú sé verðmætasköpunarhaust en við erum ekki síður í tiltekt,“ segir Kristrún.
Eyjólfur Ármannsson, innviðaráðherra, hefur skipað starfshóp um strandsiglingar við Ísland en hlutverk starfshópsins verður að móta og leggja fram aðgerðaáætlun um leiðir til að efla strandflutninga á sjó, m.a. til þess að minnka álag á þjóðvegi landsins og draga úr umhverfisáhrifum.
Absúrd-kómíska leiksýningin 40.000 fet gerist um borð í flugvél og er þróuð út frá frásögnum kvenna úr flugbransanum og upplifunum íslenskra kvenna. Sýningin tekst á við þung málefni á borð við kynjamisrétti og eitraða karlmennsku með gríni og absúrd húmor.
A towering iceberg, measuring up to 75 meters high, came into view for the crew of TF-EIR, the Icelandic Coast Guard helicopter, yesterday. For comparison, Hallgrímskirkja church in Reykjavík stands 74.5 meters tall.
Óánægja virðist best lýsa afstöðu Reykvíkinga til kjörinna fulltrúa sinna í borgarmálum óháð því hvort spurt sé um borgarstjórann, meirihlutann eða minnihlutann. Tæplega helmingur segist óánægður með störf þeirra allra. Um fimmtungur er ánægður með borgarstjórann og litlu fleiri með meirihlutann. Aðeins tíundi hver borgarbúi er svo ánægður með minnihlutann. Þetta kemur fram í borgarvita Maskínu, skoðanakönnun sem lögð var fyrir borgarbúa upp úr miðjum mánuði. Samkvæmt könnuninni eru 45 prósent Reykvíkinga óánægð með störf borgarstjóra en nítján prósent ánægð. Þetta eru svipaðar tölur og í síðustu könnun í apríl en þó hefur óánægjan vaxið nokkuð síðan þá. Óánægjan með störf borgarstjóra er mest austan Elliðaárósa og þar er minnst ánægja með hana. Rétt rúmlega helmingur kjósenda Samfylkingarinnar er ánægður með störf borgarstjóra en tæp níu prósent óánægð. Mest er óánægjan með Sjálfstæðismanna, 86 prósent segja borgarstjóra hafa staðið sig illa og stór hluti þeirra telur hana hafa staðið sig mjög illa. Heiða Björg Hilmisdóttir mælist með nokkurn veginn sömu ánægju og óánægju og Framsóknarmaðurinn Einar Þorsteinsson, forveri hennar á stóli borgarstjóra, naut í nóvember í fyrra. Nokkru seinna sprengdi hann meirihlutann vegna óánægju með samstarfið og Heiða Björg tók við. Nokkuð fleiri voru ánægðir með störf Dags B. Eggertssonar síðasta ár hans í embætti en óánægjan var líka meiri. Afstaða fólks til meirihlutans er mjög lík afstöðu þess til borgarstjórans. 21 prósenti finnst meirihlutinn standa sig vel en 47 prósentum finnst hann standa sig illa. Það er svipað og í síðustu könnunum. Afstaða fólks til borgarstjóra, meirihluta og minnihluta er greind eftir aldri, kyni, búsetu innan höfuðborgarinnar, menntun, tekjum og því hvaða flokk fólk myndi kjósa. Af 28 breytum er það aðeins í einni sem meirihluti er ánægður með störf meirihlutans, það er meðal stuðningsmanna Samfylkingarinnar. Rúmlega níu af hverjum tíu Sjálfstæðismönnum eru ósáttir við störf meirihlutans. Maskína hefur mælt afstöðu til borgarstjórnar í Borgarvita sínum síðan í desember 2022. Á því tímabili mældist ánægjan með störf meirihlutans minnst í ágúst 2023, aðeins 15 prósent, og óánægjan mest, 59 prósent. Sem fyrr mælist ánægja borgarbúa minnst þegar spurt er út í störf minnihlutans í borgarstjórn. Tíu prósentum finnst hann standa sig vel en 38 prósentum illa. Minnihlutinn virtist aðeins hafa sótt í sig veðrið í síðustu könnun þegar sextán prósentum þótti hann standa sig vel en sú þróun hefur gengið til baka. Minnihlutinn getur hvergi státað af því að njóta mikillar ánægju með störf sín. Stuðningsmönnum Miðflokksins finnst minnihlutinn í borgarstjórn hafa staðið sig best þrátt fyrir að flokkurinn hafi ekki náð inn í borgarstjórn í síðustu kosningum. 26 prósent þeirra eru ánægð með störf minnihlutans. 24 prósent Sjálfstæðismanna eru sömu skoðunar. Mest er óánægjan með störf minnihlutans meðal kjósenda Samfylkingarinnar og Vinstri grænna, 60 til 65 prósent. Sem fyrr er Sanna Magdalena Mörtudóttir, oddviti Sósíalista, sá borgarfulltrúi sem flestum Reykvíkingum finnst hafa staðið sig best á kjörtímabilinu. 24 prósent nefna hana en sautján prósent Hildi Björnsdóttur, oddvita Sjálfstæðisflokksins. Næstir koma þeir Kjartan Magnússon Sjálfstæðisflokki og Einar Þorsteinsson, oddviti Framsóknar, sem níu prósent nefna. Átta prósent nefna Alexöndru Briem, oddvita Pírata, og sex prósent borgarstjórann Heiðu Björg Hilmisdóttur, oddvita Samfylkingarinnar. Á eftir þeim koma Þórdís Lóa Þórhallsdóttir, í Viðreisn, og Píratinn Dóra Björt Guðjónsdóttir sem fimm prósent segja hafa staðið sig best, Ragnhildur Alda Vilhjálmsdóttir Sjálfstæðisflokki með þrjú prósent og Líf Magneudóttir, Vinstri-grænum, með tvö prósent. Könnunin var lögð fyrir Þjóðgátt Maskínu, fólk sem er dregið með tilviljun úr Þjóðskrá. Könnunin fór fram á netinu 18. til 25. ágúst og svöruðu 1.029.
„Það verður allt á helmingsafslætti hjá okkur í dag og alla helgina,“ segir Karel Ólafsson en hann opnar Preppbarinn á Hafnargötu 90 í Keflavík í dag ásamt Birgi Halldórssyni.
Breiðablik tryggði sér sæti í Sambandsdeildinni með 3-1 sigri í gær og 5-2 samanlögðum sigri í umspilseinvígi gegn Virtus frá San Marínó. Mörkin úr leik gærkvöldsins má sjá hér fyrir neðan.
Lögreglunni á höfuðborgarsvæðinu hafa borist nokkrar ábendingar frá almenningi eftir að hún sendi frá sér tilkynningu í gær þar sem hún óskaði eftir að ná tali af mönnum á meðfylgjandi myndum vegna máls sem er til rannsóknar hjá embættinu.
„Nauðsynlegt er að flutningar á sjó umhverfis landið verði veigamikill hluti af vöruflutningum um landið til framtíðar. Öflugar strandsiglingar verða fyrir vikið mikilvægur þáttur í að vernda vegakerfið.“
Boðið verður upp á nýtt stjórnunarnám á háskólastigi í hafsvæðastjórnun og er þar um að ræða samstarfsverkefni Landhelgisgæslu Íslands, Háskólans á Bifröst og Tækniskólans og var viljayfirlýsing þar um undirrituð í gær.
Vísir 
Mbl 
Fréttastofa RÚV 
Viðskiptablaðið